Lögreglumaður í San Diego í Bandaríkjunum skaut barn með þeim afleiðingum að það dó.
Lögreglan í San Diego hefur birt myndband þar sem 16 ára strákur var skotinn til bana þegar hann var á flótta undan mönnum sem höfðu dregið upp byssu og skotið í áttina til hans á lestarstöð. Lögreglumaður sem var að sinna öðru ótengdu útkalli mætti drengnum þegar hann var á flótta með fyrrnefndum afleiðingum.
Ekki er hægt að sjá að 16 ára drengurinn hafi sýnt af sér ógnandi hegðun þegar lögreglumaðurinn skaut hann en þegar leitað var á fórnarlambinu fannst byssa innanklæða að sögn lögreglu. Að sögn yfirvalda átti atvikið sér stað í lok janúar.
Unglingurinn var í fluttur á spítala þar sem hann lést af sárum sínum og er saksóknari San Diego að rannsaka málið.
Veistu meira? Láttu okkur vita
Það tókst ekki að sækja formið. Reyndu aftur eftir augnablik.
































Athugasemdir