Platan kemur til með að kallast Astronauts. Grunnurinn að plötunni er að mestum hluta tekinn upp „live“ í Quadrangle-hluta hins sögufræga Rockfield-hljóðvers í Wales. Hljómsveitin var þar við upptökur í viku í byrjun júní 2018. Liðsmenn Red Barnett fengu til liðs við sig hinn fjölhæfa Silla Geirdal úr Dimmu til að hafa yfirumsjón með upptökunum. Auk hans var hljóðmaðurinn og heimamaðurinn Joe Jones þeim til halds og trausts.
Í Rockfield Studios hafa margar af helstu stórstjörnum tónlistarbransans tekið upp sínar plötur. Má þar nefna Black Sabbath, Pixies, Oasis, Coldplay, Suede, The Cure, Supergrass, Iggy Pop, Robert Plant, Royal Blood, Judas Priest, Mike Oldfield, Mötorhead, The Stone Roses, The Cult og The Stranglers og svo mætti lengi telja. Rockfield-stúdíóið er þó án efa einna þekktast fyrir þá staðreynd að þar lagði hljómsveitin Queen grunninn að plötu sinni Bohemian Rhapsody.
Að sögn Halla heppnuðust upptökur plötunnar vel, enda innblásnar af sögu hljóðversins. Þess má geta að Halli safnaði fyrir útgáfu plötunnar á Karolina Fund. Samhliða söfnunnni gaf Halli út lagið For a Friend sem hann samdi um góðan vin sinn sem féll frá í blóma lífsins árið 2016. Texti lagsins er saminn í samstarfi við færeysku söngkonuna og söngvaskáldið Lenu Anderssen. Lagið má finna á Albumm.is og á öllum streymisveitum.
Athugasemdir