Brynjar segist ekki vera hjartalaus og sakar aðra um sýndarmennsku

Brynjar Níelsson seg­ist ekki vera jafn harður og hegðun hans og atferli gefi stundum til kynna. Þvert á móti sé hann mjúkur inn við beinið. Dún­mjúkur.

„Menn eru ekki endi­lega hjarta­lausir þótt þeir séu ekki í stans­lausri sýnd­ar­mennsku alla daga. Svo er afskap­lega auð­velt að sýn­ast hjarta­góður á kostnað ann­arra og leggja aldrei neitt á sig sjálfur í þeim efnum. Þekki nokkra slíka,“ segir Brynjar Níelsson, þing­maður Sjálf­stæð­is­flokks­ins, í færslu á Facebook, og vísar til þess hversu margir hafi orðið hissa þegar hann lagði til við Ás­mund Einar Daða­son, félags- og barna­mála­ráð­herra að for­eldrar sem misst hafa börn sín fái sorg­ar­or­lof.

Í fyr­ir­spurn­ar­tíma á Alþingi þann 23. júní spurði Brynjar Ás­mund Einar að því hvort ein­hver vinna eða frum­varp um svo­kallað sorgar­or­lof for­eldra, sem missa börn yngri en 18 ára, væri hafin í ráðu­neyt­inu. Fyr­ir­spurnin fékk góðar undir­tektir, meðal ann­ars frá ráð­herr­anum sem svar­aði því að vinna væri farin af stað við að afla kanna leiðir til að styðja fólk við barns­missi, en hún kom öðrum á óvart.

„Lagt hefur verið nokkrum sinnum til að ég fari í ómskoðun til að athuga hvort ég væri með hjarta. Hef farið í röntgen þar sem sást áber­andi hjarta, sem bendir til að það sé úr steini. Því urðu margir mjög hissa, nán­ast eins og hafa verið slegnir með blautri tusku í and­litið, þegar ég lagði til við félags- og barna­mála­ráð­herra að for­eldrar sem misst hafa börn sín fái sorg­ar­or­lof,“ skrifar Brynjar. „Fyrir þá sem ekki vita þá er ég mjúkur maður þótt fram­koma, hegðun og atferli bendi ekki alltaf til þess. Sumir myndu segja dún­mjúkur maður.“

Og fjöldi fólks tekur heils­hugar undir þau orð. Meðal ann­ars Róbert Marshall, fyrr­ver­andi fjöl­miðla­maður og þing­maður Bjartrar fram­tíðar, og Katrín Júl­í­us­dóttur fram­kvæmda­stjóri Samtaka fjár­mála­fyr­ir­tækja og fyrr­ver­andi ráð­herra. „Þú ert ýmis­legt eins og við flest en hjarta­laus ertu ekki. Það vita allir sem hafa eytt meira en 5 mín­útum með þér.“