Rúrik ræðir móðurmissinn: Var gerður brottrækur fyrir að styðja móður sína

Knatt­spyrnu­mað­ur­inn Rúrik Gíslason segir ákvörðun sína um að fara heim til að vera við hlið móður sinnar á bana­leg­unni hafa átt þátt í því að félag hans í Þýska­landi ákvað að losa sig við hann.

Rúrik er gestur í nýjasta hlað­varpi Sölva Tryggva­sonar þar sem þeir ræða meðal ann­ars móð­ur­miss­inn, en eftir að móðir Rúriks veikt­ist illi­lega af krabba­meini og hrak­aði hratt fór Rúrik heim til Íslands til að vera við hlið hennar. Segir Rúrik félag hans í Þýska­landi hafa verið ósátt við þessa ákvörðun hans og hann hafi í raun verið gerður brott­rækur eftir að hann sneri aftur til Þýska­lands, þótt ákvörðun hans um að vilja frekar gefa launa­lækkun sína í góð­gerð­ar­mál en til mold­ríkra eig­enda félags­ins hafi líka spilað inn í.

„Þeir fóru í fjöl­miðla og sögðu að ég væri ekki „fit“ því að ég hafi ekk­ert æft á Íslandi en þegar ég var á Íslandi í þessar þrjár vikur æfði ég upp á hvern ein­asta dag. Ég var á dag­inn og kvöldin bara uppi á líkn­ar­deild og svo á milli þess sem ég var á líkn­ar­deild­inni, þá skaust ég á æfingar,“ segir Rúrik.

„Svo lætur mamma lífið 16. apríl og ég fór í kistu­lagn­ingu, en ákvað sem­sagt til að þókn­ast klúbbnum, af því að það var komin gríð­ar­leg pressa frá þeim að koma að æfa. Þá ákvað ég að sleppa jarð­ar­för­inni til að sýna mitt „commitment“ gagn­vart klúbbnum, en fékk ekki meiri verð­laun en það að ég var bara sendur heim,“ segir Rúrik, sem fékk ekki að mæta á eina ein­ustu æfingu eftir þetta.

Í þætt­inum ræðir Rúrik heims­frægð­ina eftir HM, álit ann­arra og þau tíma­mót sem hann stendur á í dag.