Hildur Eir minnist Gísla Rúnars: „Öllu hans gamni fylgdi einhver lífsspeki“

Séra Hildur Eir Bolla­dóttir minn­ist Gísla Rúnars Jóns­sonar leik­ara.

„Elsku Björgvin Franz, Eva Dögg og Edda, hjart­ans sam­úð­ar­kveðjur, ég græt með ykkur hér í norðr­inu,“ skrifar séra Hildur Eir Bolla­dóttir, í færslu á Facebook, þar sem hún minn­ist Gísla Rúnars Jóns­sonar, leik­stjóra og leik­ara með meiru.

Gísli Rúnar lést á heim­ili sínu í gær, 67 ára að aldri og minn­ist Hildur Eir hans með miklum hlý­hug, en hún seg­ist hafa kynntst honum ung að aldri. „Þegar ég var ung­lingur og var um tíma heima­gangur á heim­ili hans og Eddu,“ segir hún og lýsir Gísla sem alveg óvenju­lega skemmti­legum manni.

„Svo mik­ill og djúpur húmoristi að öllu hans gamni fylgdi ein­hver lífs­speki eða pré­dikun. Ég átti föður sem var alltaf að leið­rétta mál­far mitt og svo fór ég að koma inn á heim­ili Gísla og hann var hálfu verri, en nú þakka ég þeim báðum og þeirra ást á okkar ylhýra máli.“

Biður Hildur Eir Guð um að blessa minn­ingu Gísla Rúnars. „Hann var ein­stakur.“