Þórólfur og Víðir sagðir hafi misst allan trúverðugleika fyrir Þórdísi: „Sorglegt“

Fjöl­miðla­mað­ur­inn Illugi Jök­uls­son segir að Víðir Reyn­is­son yfir­lög­reglu­þjónn og Þórólfur Guðnason sótt­varna­læknir hafi misst allt boð­vald meðal þjóð­ar­innar eftir að þeir komu Þórdísi Kolbrún Reyk­fjörð Gylfa­dóttur ferða­mála­ráð­herra til varnar í gær. Allt í einu er tveggja metra reglan orðin af við­miði þegar ráð­herra á í sök.

Þórdís fór út á lífið með vin­konum sínum um helg­ina og af myndum af dæma þá var tveggja metra reglan þeim ekki ofar­lega í huga. Hún seg­ist sjá eftir því að það hafi náðst á mynd.

Á Facebook segir Illugi þetta sorg­legt því þrí­eykið hafði átt traust Íslend­inga hingað til. „Þeir Þórólfur og Víðir hafa nú fórnað öllu sínu áhrifa­valdi, öllu sínu boð­valdi, öllu því sem þeir hafa unnið svo vel að í hálft ár, – púff allt horfið! – fyrir … ja, fyrir hvað? Vináttu stjórn­mála­manna? Sorglegt,“ segir Illugi á Facebook.

Hann segir enn fremur að þjóðin hafi fórnað mörgu til að fara eftir settum reglum. Svo skipti þær engu máli þegar ráð­herra brýtur þær. „Vegna þess að um allt sam­fé­lagið hefur fólk fórnað öllu mögu­legu til þess að fara eftir þeim reglum og við­mið­unum sem þau hafa sett. Svo brýtur ráð­herra þær reglur, tveim þremur dögum eftir að hafa skrifað grein til að hvetja fólk til að fara eftir þeim, og þá skiptir það allt í einu engu máli. Þetta snýst ekki um vin­konufund nokk­urra kvenna (sem var reyndar aug­lýs­ing sponseruð af Icelandair Hotels), heldur um trú­verð­ug­leika og ábyrgð,“ segir Illugi.

Gunnar Smári Egilsson virð­ist á sam­mála og segir á sama vett­vangi:

 „Var Þórólfur að breyta sótt­vörnum þannig að 2 metrar gilda bara milli ókunn­ugra? Þannig ef ég rekst á skóla­bróður minn úr tíma­kennslu í Mýr­ar­húsa­skóla á Lauga­veg­inum, má ég þá faðma hann? Þetta er und­ar­leg kúvend­ing, við höfum sleppt allas­konar úr af covid; barna­af­mælum, útförum, heim­sóknum. Þetta var þá bara allt einn mis­skiln­ingur sem Þórdís Kolbrún og æsku­vin­kon­urnar afhjúp­uðu; covid smit­ast ekki milli fólks sem þekk­ist. Ja hérna hér. Hér eftir trúi ég engu sem mér er sagt.“