Ekkert bóluefni þrátt fyrir COVID: „Hvers vegna var ekki brugðist við?“

Bóluefni gegn inflú­ensu er á þrotum á heilsu­gæslu­stöðvum höf­uð­borg­ar­svæð­is­ins. Líkt og flest ár var ekki pantað nóg. Sara Oskars­son, vara­þing­kona Pírata, setur þetta í sam­hengi við mögu­legt bólu­efni við COVID sem á að vera handan við hornið. Hví var ekki pantað meira af inflú­ensu­bólu­efni til að létta á heil­brigð­is­kerf­inu?

„Inflú­ensu­bólu­efnið búið í land­inu og það er ekki kom­inn nóv­em­ber. Og víst ekki líkur á að meira bólu­efni komi til lands­ins. Hvers vegna var ekki hægt að tryggja næga skammta? Þetta er slæmt í ljósi þess að inflú­ensa dregur fjöl­marga til dauða á ári hverju og svo er vita­mál að álagið á heil­brigð­is­kerfið kemur til með að vera stór­aukið á meðan að hún ríður yfir. Þetta hefði verið hægt að koma í veg fyrir með smá fyr­ir­hyggju,“ spyr Sara á Facebook.

Ef svo er farið með gott bólu­efni sem er nú þegar til staðar, hvernig verður það ef bólu­efni við COVID stendur til boða? „Í við­tali um dag­inn kom fram að bólu­efn­ispönt­unin hafi verið gerð í byrjun árs áður en Covid kom fram. En síðan hafa liðið 8 mán­uðir og lítið annað rætt en um Covid, á hvaða hátt veiran svipar og svipar ekki til hinnar árlegu inflú­ensu – og um öll mögu­leg og ómögu­leg bólu­efni.  Hvers vegna var ekki brugð­ist við og pant­aðir fleiri skammtar?,“ spyr Sara og heldur áfram:

„En á sama tíma er nú þegar til óvenju­gott og öfl­ugt bólu­efni við inflú­ensu sem að við hefðum flest sem vildu getað fengið; bæði til að minnka álagið á heil­brigð­is­kerfið og eins til þess að fleiri í bak­varða­sveit væru hraustir í slag­inn. Vissu­lega getur fólk í áhættu­hóp fengið ávísað frá lækni bólu­efni enn sem komið er, en í ljósi aðstæðna þyrftu mun fleiri í sam­fé­lag­inu að vera varðir gegn inflú­ensu – og ef að menn sýkj­ast af báðum veirum í einu getur verið tölu­verð hætta á ferð.“

Sara spyr svo að lokum hvers vegna hafi ekki verið pantað meira af því bólu­efni: „Ég átta mig ekki alveg á því hvers vegna pönt­unin var ekki stór­aukin þegar að aug­ljóst var í hvað stefndi. Er rör­sýnin á hið nýja Covid farin að skyggja á hinar vel­þekktu hættur inflú­ensu­far­alds.“