Sjálfstæðsflokkurinn datt niður í 20 prósenta fylgi í nýlegri könnun. Davíð Oddsson, fyrrverandi formaður og núverandi ritstjóri Morgunblaðins, hæðist að sínum gamla flokki í leiðara í dag og telur hann vera að festa sig í sessi sem smáflokk. Víst er að svipuhögg Davíðs særa Bjarna Benediktsson formann sem í gær beindi sjónum sínum að öryrkjum og fjölgun þeirra sem stórvandamáli í íslensku samfélagi. Í leiðara Morgunblaðsins er vitnað í Pál Vilhjálmsson kennara sem rekur örlög Sjálfstæðisflokksins til ESB-dekurs Guðlaugs Þórs Þórðarsonar sem Davíð og Páll uppnefna þegar þeir vitna í hann: „Íslendingar byggju enn í torfkofum, ef ekki væri fyrir EFTA og EES-samninginn,“ segir Gulli utanríkis og kímir á bakvið ESB-grímuna.
Ljóst má vera af leiðara Moggans að Sjálfstæðisflokkurinn á ekki upp á pallborðið. Aftur á móti hefur leiðarahöfundurinn látið í ljós aðdáun á Miðflokknum. Mogginn er sem sé kominn í Miðflokkinn …
Athugasemdir