Kristín varar íslenska aukaleikara við Jóhanni – Vefverslunin afsökun fyrir typpamyndir

Kristín Reyn­is­dóttir varar alla auka­leik­ara og þá sér­stak­lega konur þar á meðal við gylli­boðum Jóhann­esar nokk­urs innan fjöl­mennum hópi auka­leik­ara. Jóhannes þessi er sagður blekkja konur á þeim for­sendum að honum vanti stelpu í aug­lýs­ingu. Að hennar sögn endar það þó yfir­leitt með því að stúlkan fær senda mynd af typp­inu hans. Aðrir innan hóps­ins kann­ast við kauða og taka undir með Kristínu.

„Ég vona að þetta meigi vera hérna inná, en ég vil vara ykkur öll við (sér­stak­lega ykkur stelpur) á þessum manni. Hann er sem­sagt að aug­lýsa eftir stelpum fyrir vef­verslun sína (sem er algjört kjaftæði!) hann vill bara myndir af stelpum, en ég veit ekki almenni­lega ástæð­una fyrir því (eflaust er ástæðan sú að hann vilji fróa sér yfir mynd­unum). Hann hefur verið lengi í þeim business að biðja um myndir af stelpum og sendir síðan á stelp­urnar typpa myndir. Endilega allir að vin­sam­leg­ast passa sig á honum,“ skrifar Kristín og birtir máli sínu til stuðn­ings sam­skipti á milli hans og stúlku. Þar segir hann við stúlku: „Ok væri gaman að sja fleyrri myndir af þer taka þetta eins og langt og þer liðir vel með“.

Stjórn­andi hóps­ins, Halldóra Eyfjörð, seg­ist alltaf vara við því að senda myndir á menn úti í bæ. Hún hafi bannað Jóhann af síð­unni vegna svona hegð­unar. „Ég bið ykkur stelp­urnar mínar að senda aldrei myndir nema þið séuð hund­rað pró­sent vissar að um casting fyr­ir­tæki sé að ræða ef þið eruð í óvissu talið við mig ég mun finna útúr því og bara alls ekki senda myndir ef þið hafið ein­hverjar til­finn­ingar um að ekki sé allt í lagi með við­kom­andi ,“ segir hún.