Sauð upp úr hjá kristnum – Segja sparnaðinn árás á trúnna: „RÚV er eingöngu fyrir starfsmenn“

Óhætt er að segja að það hafi soðið upp úr í gær hjá með­limum Facebook-hóps­ins Orð kvölds­ins og Morg­un­bæn verði áfram á RÚV. Meðlimir urðu æfir yfir þeim fregnum að RÚV hygð­ist hætta beinum útsend­ingum frá sunnu­dags­messum. Þar á meðal voru tveir þing­menn.

Ólafur Egilsson, fyrr­ver­andi sendi­herra, til­kynnti þetta innan hóps­ins. „Lágkúra RÚV gagn­vart sjálfu sér og þeim Íslend­ingum sem aðhyll­ast kristni – lang­flestum lands­mönnum – heldur áfram, því nú á að hætta beinum útsend­ingum frá sunnu­dags­messum sem svo lengi hafa tíðkast. Í þeirra stað mun kirkj­unni gef­inn kostur á að setja saman og taka upp athafnir á fimmtu­dögum sem síðan verði varpað út sunnu­dag­inn á eftir,“ skrifar Ólafur.

Þetta fóru ekki vel í fólk. Gústaf Níelsson, sagn­fræð­ingur sem hefur komið víða við í hægri stjórn­málum, sagði ein­fald­lega: „Rúv á enga sam­leið með þjóð­inni.“ Fleiri voru á sama máli og töldu rétt­ast að loka RÚV. Björn Bjarna­son, fyrr­ver­andi ráð­herra, vildi svo vita hver hafi ákveðið þetta. „Hverjum dettur þetta í hug og fram­kvæmir það?,“ spyr Björn. Fleiri stjórn­mála­menn kveða sér hljóðs. „Óvið­un­andi. Danska sjón­varpið er með kirkju­efni á sunnu­dags­morgnum,“ segir Ólafur Ísleifs­son, þing­maður Mið­flokks­ins, meðan Ásmundur Frið­riks­son, þing­maður Sjálf­stæð­is­flokks­ins, skrifar: „Þeir setja þjóð­kirkj­una til hliðar og hverfa frá góðum siðum sem öllum eru hollir. Þeir fylgja í kjöl­far borg­ar­stjórnar Reykja­víkur.“

Einn maður segir svo: „Rúv er ein­göngu fyrir starfs­menn stofn­un­ar­innar“. Það vill þó svo til að ástæða þessa breyt­inga er einmitt þver­öfug, þetta sé gert til að lækka laun tækni­manna. Í það minnsta ef marka má orð Ólafs hvað þetta varðar.

Ólafur segir þetta gert til að losna við að borga tækni­manni á helgi­daga­taxta. „Mér skilst að þetta snú­ist um að spara mis­mun­inn á hvers­dags- og helgi­daga­taxta tækni­manns! Gott er að hugað sé að sparn­aði, en með ólík­indum að við­leitni í þá átt hjá þess­ari þjón­ustu­stofnun, sem þjóðin greiðir millj­arða, skuli lenda í svona ófarn­aði. Þarna gætir e–s víð­tæk­ari skiln­ings­skorts,“ segir Ólafur.

Margir almennir borg­arar tjá sig enn fremur og eru æfir. Einn maður er þó ekki þar á meðal, Eysteinn Pét­urs­son, yfir­eðl­is­fræð­ingur á Ísótópa­stofu Land­spít­al­ans. Hann skrifar: „Þetta er ótrú­leg umræða. Er það virki­lega svo að guðs­orð úreld­ist frá fimmtu­degi til sunnu­dags­morg­uns? Lengi hefur við­geng­ist að messur séu af og til teknar upp í kirkjum á lands­byggð­inni og útvarpað jafn­vel vikum eða mán­uðum seinna – án þess að ég hafi orðið var við kvart­anir.“