Freyja fær loks að hitta 92 ára ömmu sína í janúar: „Erfiðast að hitta hana ekki yfir hátíðirnar“

Freyja Stein­gríms­dóttir, stjórn­mála­fræð­ingur og aðstoð­ar­maður for­manns Sam­fylk­ing­ar­innar, hefur ekki hitt ömmu sína, Guðrúnu Stein­gríms­dóttur, í hálft ár vegna Covid-19. Guðrún var bólu­sett í gær og því stytt­ist í að þær geti loks­ins hist. 

Hér eru þær Guðrún og Freyja saman á sann­kall­aðri gleði­stundu, 7. sept­em­ber í fyrra.

Freyja fagnar því að amma sín fái loks­ins bólu­setn­ingu því aðskiln­að­ur­inn hafi reynt mikið á fjöl­skyld­una, einna helst á Guðrúnu sjálfa. „Í gær var 92 ára amma mín bólu­sett. Sem þýðir að ég fæ að hitta hana í lok jan­úar eftir hálfs árs aðskilnað. Þetta er auðvitað búið að taka á mín megin en lang­verst fyrir hana sem hefur ekki farið út af Hrafn­istu eða fengið að hitta barna­börn sína eða vini mán­uðum saman,“ segir Freyja. 

Í sam­tali við Mannlíf segir Freyja þær Guðrún hafa átt mjög sér­stakt sam­band sem hana þyki mjög vænt um. Það hafi því auð­vitað tekið mikið á að hafa ekki náð að hitt­ast. „Hún hefur alltaf verið mjög sjálf­stæð, kraft­mikil og félags­lynd – var bara nýkomin inn á hjúkr­un­ar­heim­ilið þegar COVID skellur á. Svo þetta var gríð­ar­leg breyt­ing á hennar lífi og til­veru,“ segir Freyja og bætir við:

Freyja segir það dásam­legt að geta loks­ins hitt ömmu sína á nýju ári.

„Erfiðast fyrir eldra fólk sem missir tengsl við barna­börn sín, aðra ætt­ingja og vini. Sem betur fer fékk amma að minnsta kosti að hitta syni sína eitt­hvað þótt tak­markað væri. Og starfs­fólk hjúkr­un­ar­heim­il­is­ins er búið að vera alveg hreint frá­bært, setur t.d. reglu­lega inn myndir á lok­aðan facebook-hóp og leyfir manni að fá smá inn­sýn í dag­legt líf fólks.“

Núna yfir hátíð­irnar segir Freyja það hafa reynt mjög á að fá ekki að hitta Guðrúnu ömmu sína. „Það var erf­ið­ast að fá ekki að hitta hana yfir hátíð­irnar – ég hef alltaf tengt jólin svo­lítið við ömmu. Hún átti nefni­lega og rak lengi Líf­stykkja­búð­ina – og frá því ég var ung­lingur þangað til ég kláraði háskól­ann vann ég alltaf þar hjá henni í jóla­ver­tíð­inni. En nú stytt­ist í þetta, hún var bólu­sett fyrr í dag svo mér skilst að við fáum að hitta hana fyrir lok jan­úar – sem er bara dásam­legt!,“ segir Freyja.