Baráttumaðurnn Vilhjálmur Bjarnason tilkynnti í dag í heilsíðugrein í Morgunblaðinu að hann hyggist gefa kost á sér í prófkjöri Sjálfstæðisflokksins, eins og spáð hafði verið í Mannlífi. Vilhjálmur er nokkuð við aldur en reifar í greininni að það merki þroska. Þá bendir hann á að hann sé yngri en margt valdafólks heims eins og Beta, drottning Breta. „Ég er á góðum aldri. Ég er yngri
en Bretadrottning og breski ríkisarfinn. Ég er yngri en forseti Bandaríkjanna. Þroskaðir þurfa sinn fulltrúa,“ skrifar glaðbeittur frambjóðandinn. Vilhjálmur á sér fortíð sem þingmaður Sjálfstæðisflokksins. Örlög hans voru þau að vera felldur í prófkjöri. Flokkurinn valdi fremur þann þekkta rekstrarskussa Óla Björn Kárason til þingsetu og gerði hann að formanni fjárlaganefndar. Vilhjálmur var forystu flokksins ekki þóknanlegur. Hann hefur þá ímynd að vera heiðarlegur stjórnmálamaður en fara sem sjaldnast troðnar slóðir og vera einskonar pólitískur villiköttur í dimmum strætum Sjálfstæðisflokksins …
Athugasemdir