Oddviti Framsóknar tekur Miðflokksmann í bakaríið: „Ef einhverjum finnst ég hálfviti“

Stefán Bogi Sveins­son, odd­viti Fram­sóknar og for­seti bæj­ar­stjórnar Fljóts­dals­hér­aðs, skýtur föstum skotum á Þröst Jónsson, bæj­ar­full­trúa Mið­flokks­ins í hér­að­inu, á Facebook. Þröstur hefur vakið athygli nýlega fyrir sam­sær­is­kenn­ingar um COVID og sér­kenni­legar hug­myndir svo sem að bæna­hringur í Reykja­vík hafa bjargað Seyð­firð­ingum.

Þröstur deilir í gær ýmsum kenn­ingum í tengslum við COVID. Færslan lík­ist helst dul­máli þar sem næstum allt sem hann nefnir er bannað á Facebook og þarf hann því að tala í kringum það. 

„ÞURFUM VIÐ AÐ VAKNA ÁÐUR EN ÞAÐ VERÐUR OF SEINT? Fésbók er mjög ílla við að ég pósti þessum link frá hinum virtu sam­tökum America Front Line Doctors, og hótar mér öllu íllu geri ég það. Til að snúa á þá bætti ég „XX“ fremst í slóð­ina sem þið getið tekið út til að sjá fyr­ir­lestur bar­áttu­lækn­is­ins Simone Gold,” segir Þröstur og heldur áfram:

„Öllum sem er annt um líf og heilsu sína sem og þjóð­ar­innar í heild ættu að horfa á þennan fyr­ir­lestur til enda. Síðan getur hver og einn lagt mat á hvað er að ger­ast og hvor hann/hún ætli að láta sprauta sig með mRNA gru­dvöll­uðu bólu­efni. Hér talar vel reyndur amer­ískur læknir fyrir hönd margra sem berj­ast fyrir mig og þig við litla hrifn­ingu „big-brother fact check“. Í mínum huga er það all­veg klárt að ein­hver öfl í okkar vest­ræna heimi koma í veg fyrir að við getum sótt okkur ein­falda heil­brigð­is­þjón­ustu við sjúk­dóm þeim sem stafar af ákveðnum vírus (var­ast að nefna hann því þá tekur Fésbók af mér súr­efnið).”

Þröstur hrósar svo þessum lyfjum sem má ekki segja frá. „Bæði lyfin I-v-e-r-m-e-c-t-i-n og áður H-y-d-r-o-x-i-c-l-o-r-i-n eru mjög áhrifa­rík í bar­átt­unni við sjúk­dóm­inn. Bæði lyfin eru ódýr vel reynd og mikið notuð tam. í Afríku. Fölsk gögn voru notuð til að rífa H-y-d-r-o-x-i-c-l-o-r-i-n niður sem síðar voru dregin til baka, en þá var skað­inn skeður (kemur fram í fyr­ir­lestr­inum). Mun það sama ger­ast með I-v-e-r-m-e-c-t-i-n-? Á sama tíma á að sprauta okkur öll með bólu­efnum á til­rauna­stigi (þau sem eru byggð á mRNA tækn­inni). Lang­tíma­á­hrif ókunn: -Hugs­an­legt ban­vænt bráða­of­næmi síðar á lífs­leið­inni -Hugs­an­legt frjó­sem­is­vanda­mál hjá konum. – ofl.”

Að lokum segir hann að fólk verði eiga það við sig sjálft ef við­kom­andi finnst hann hálf­viti. „Ef ein­hverjum finnst ég hálviti og/eða vill grípa þessa færslu, skrum­skæla hana og setja hana í fjöl­miðla undir fyr­ir­sögn­inni „Sveita­stjórn­ar­full­trúi Mið­flokks­ins í Múla­þingi bla bla“, þá verður sá hinn sami að eiga það við sína sam­visku. Ég mun halda áfram að berj­ast fyrir sann­leik­anum og rétt­læt­inu. Guð blessi ykkur öll.”

Þessu svarar  Stefán Bogi Sveins­son, for­seti bæj­ar­stjórnar í Múlaþing, og afgreiðir í nokkuð stuttu máli: „Þessi „virtu“ sam­tök sem þú talar um voru stofnuð í fyrra og for­sprakki þeirra hefur verið ákærð fyrir þátt­töku í atlög­unni að þing­hús­inu í Washington. Við leggjum greini­lega ólíkan skiln­ing í hug­takið virð­ingu.”