Kári reiður og sár: Tekinn af lífi af Sveppa og Pétri – Kári vill berjast við Sveppa

Kári Frið­riks­son leigu­bíl­stjóri og óperu­söngv­ari er afar ósáttur, sár og reiður þeim Pétri Jóhanni Sig­fús­syni og Sverri Þór Sverris­syni, betur þekktur sem Sveppi. Sveppi og Pétur Jóhann gerðu end­ur­tekið grín að holda­fari og hár­greiðslu leigu­bíl­stjór­ans og birtu opin­ber­lega í hlað­varpi þeirra félaga Beint í bíl­inn. Kári er sár og reiður og hefur skorað Sveppa á hólm í blönd­uðum bar­daga­listum til að kenna honum lexíu. Það gerir Kári þrátt fyrir að vera mun eldri en þeir félagar.

„Þessir menn lentu víst báðir í ein­elti og stríðni á yngri árum. Samt finnst þeim svona fram­koma í lagi,“ segir Kári.

Í hlað­varp­inu aka þeir Svepp og Pétur um bæinn og gera grín að því sem fyrir augu ber. Sveppi og Pétur höfðu í tvígang ekið fram­hjá Kára og á gert grín að útliti hans. Þeir óku síðan í þriðja sinn að leigu­bíl hans í þeim til­gangi að skipt­ast á nokkrum orðum svo að Pétur Jóhann sæi betur hversu lík­am­legt og hlægi­legt útlit Kára leigu­bíl­stjóra væri. Sjálfur lýsir Kári því á þann hátt að Pétur Jóhann og Sveppi hafi laum­ast að leigu­bílnum og haft uppi ýmsar niðr­andi og ósmekk­legar athuga­semdir.

„Mest um fitu og hvað ég liti asna­lega út. Þeir tala jafn­vel um það, hvernig þeir mundu berj­ast við mig:

sagði annar, og hinn tók undir að ég væri með svo mikla kúlu, að ég myndi rúlla, en varla geta staðið upp […]Svo fannst þeim flot að líkja mér við sel.“

Á upp­tök­unni hefur Sveppi sig mun meira frammi og sagði Kára spor­öskju­laga, kringlóttan og hann liti út eins og selur á þurru landi. Þá væri hann lík­lega í buxum sem væru að stærð 46 í mitti og 26 að lengd. Þá var einnig gert grín að hári Kára. Hann væri með stutt að framan og sítt og krulla hár að aftan.

„Hann var allur svona kringl­óttur,“ sagði Sveppi eftir að þeir höfðu ekið fram­hjá Kára. „Hann var ekki beint kringl­óttur, hann var spor­öskju­laga eins og spor­öskju­laga selur. Hann var með góða miðju. Það væri erfitt að ná honum niður. Þú verður að fara beint í lapp­irnar.“

Sveppi ákvað svo að snúa við og aka aftur fram­hjá Kára í þeirri von að leigu­bíl­stjór­inn væri þar enn þá.

„Mig langar svo að pakka honum saman, troða honum í skottið, fara bara með hann heim og skreyta hann fyrir jólin. Hengja á hann jóla­seríu og hafa hann sem jóla­tré, “ sagði Sveppi og bætti við eins og hann væri að tala við börnin sín: „Það er ekk­ert jóla­tré í ár, það er bara vel skreyttur leigu­bíl­stjóri. Stutt að framan, sítt að aftan.“

Pétur Jóhann og Sveppi renndu að bíl Kára til að eiga við hann orð. Þá hafði Kári hallað sæt­inu í bílnum og lét fara vel um sig.

„Hann er búinn á því. Hann liggur bara, með hárið sleikt aftur og með krullur. Liggur þarna bara eins og spor­öskju­laga selur á þurru landi, svaka­legt ein­tak.“

Þeir stöðv­uðu bíl sinn við hlið Kára og undir fölsku flaggi ósk­uðu þeir eftir leið­bein­ingum til að kom­ast niður á Tómasar­haga. Eftir að þeim sam­skiptum lauk hélt grínið áfram á kostnað leigu­bíl­stjór­ans.

Leigu­bíl­stjór­inn var ósáttur þegar hann heyrði hvernig gert var óspart grín að honum í um tíu mín­útur í hlað­varps­þætti þeirra félaga.

Kári er afar ósáttur við fram­kom­una í sinn garð.

„Þeir voru í tíu mín­útur að snudd­ast í kringum bíl­inn án þess að ég tæki eftir og komu svo að tala við mig,“ segir Kári og bætir við: „[Þeir] gera grín að útliti mínu, hvað ég væri feitur, sköll­óttur, með sítt hár og með axla­bönd.“

„Voru að tala um hvort ég væri hættu­legur, ég væri þrek­inn og þá myndu þeir fara í lapp­irnar á mér,“ segir Kári og ákvað því að skora á Sveppa að glíma við sig í búri, í blönd­uðum bar­daga­listum.

Kári kveðst vilja snúa Sveppa niður til að kenna honum lexíu og kurt­eisi.

„Hann ætti varla að vera hræddur við gamlan mann sem er orð­inn sex­tugur, hann sem er fæddur 1977 og verður fjöru­tíu og þriggja á árinu,“ segir Kári og upp­lýsir að hann hafi stundað lík­ams­rækt og taki 120 kíló í bekk­pressu. Kári von­ast til að Sveppi taki áskor­un­inni.

„Ég vil ekki gera lítið úr Pétri Jóhanni, en amma mín hefði ekki viljað að ég væri að „berja minni máttar“, ann­ars ætti hann líka skilið ráðn­ingu.“

Þá hefur Kári, sem er einnig tón­list­ar­maður, samið lag og ljóð til að lýsa reynslu sinni af Sveppa og Pétri Jóhanni: