Katla er látin einungis 57 ára: „Þakka þér fyrir að taka á móti mér sem lítilli 7 ára stúlku“

Katla Þor­steins­dóttir er látin en hún var ein­ungis 57 ára að aldri. Katla lést á heim­ili sínu eftir bar­áttu við krabba­mein síð­ustu ár. Margir minn­ast hennar í Morg­un­blað­inu en hún var borin til grafar í dag. Katla var bar­áttu­kona fyrir betri heim en hún starf­aði um 10 ára skeið sem fram­kvæmda­stjóri Reykja­vík­ur­deildar Rauða kross Íslands. Katla starf­aði einnig sem lög­fræð­ingur hjá Alþjóða­húsi, Útlend­inga­stofnun og hjá Útfar­ar­stofu Kirkju­garð­anna.

Vinafólk hennar, Dóra og Guð­mundur, segja sárt að sjá eftir svo lífs­glað­ari konu. „Það er óend­an­lega sárt að Katla sé horfin á braut svona allt, allt of snemma. Á svona stundu er erfitt að skilja til­gang lífs­ins, hvers vegna lífs­glöð kona í blóma lífs­ins er tekin burt frá öllu ynd­is­lega fólk­inu sínu sem elskar hana svo mikið,“ segja þau.

Þau segja hana hafa sýnt þetta þegar hún greind­ist með krabba­mein. „Það var aðdá­un­ar­vert að fylgj­ast með hvernig Katla tókst á við veik­indi sín. Hún leit alltaf á það jákvæða í aðstæðum hverju sinni, með æðru­leysið að vopni. Litla ferða­flugan ákvað strax að láta veik­indin ekki stoppa ferða­lögin sín. Þannig vildi hún hafa það og þannig var það allt til enda,“ segja þau.

Elín María vin­kona hennar seg­ist muna sakna hennar til ævi­loka. „Að sitja og skrifa kveðju­orð til þín, elsku gullið mitt, er svo sárt. Hjarta mínu blæðir og sárs­auk­inn er nístandi. Fallega, trausta, skemmti­lega og jákvæða vin­kona mín með frá­bæra húmor­inn þinn. Það var hrein­lega allt gott við þig og ég elskaði ljúfu og góðu sam­veru­stund­irnar okkar. Það sem við gátum talað og hlegið og einn vinnu­dagur í heita pott­inum flaug hjá eins og sek­úndu­brot,“ segir Elín.

Hún segir það hafa verið áfall þegar Katla greind­ist með krabba­mein. „Það var mikið áfall þegar þú greind­ist með krabba­mein 2015. Þú tókst þessum fréttum af stóískri ró og miklu æðru­leysi með börnin þín og systkin þér við hlið. Fyrir rúmu ári þyrmdi yfir okkur, þegar ljóst var að meinið hafði tekið sig upp. Þú hugg­aðir fólkið þitt og vini, stað­ráðin í að nýta tím­ann vel og njóta hvers dags. Þú barð­ist eins og sönn hetja til síð­asta dags. Þrátt fyrir hrak­andi heilsu og heims­far­aldur þráði ferða­flugan að kom­ast með Þokunum sínum á vit ævin­týr­anna einu sinni enn. Við héldum í sól­ina til Tenerife þar sem við nutum sam­veru og vin­áttu í miklum kær­leik. Þessar dýr­mætu minn­ingar munum við geyma í hjörtum okkar,“ segir Elín.

Stjúp­dóttir Kötlu, Lilja, skrifar ein­stak­lega fal­lega minn­ing­ar­grein um hana þar sem hún þakkar henni fyrir að hafa tekið vel á móti sér. „Að skrifa þessi fátæk­legu orð til þín elsku Katla er þyngra en tárum taki. Ég man dag­inn sem þú komst inn í líf mitt. Ég var 7 ára, þú 23 ára. Síðan eru liðin 33 ár. Mig langar fyrst og fremst að þakka þér fyrir allt sem þú hefur verið mér í þessu lífi. Þakka þér fyrir að taka á móti mér sem lít­illi 7 ára stúlku, flétta á mér hárið og sauma á mig föt. Þakka þér fyrir þol­in­mæð­ina þegar ég var 14 ára óþekkur ung­lingur. Þakka þér fyrir öll ferða­lögin okkar saman. Þakka þér fyrir að vera áfram stór hluti af mínu lífi eftir að pabbi lést þegar ég var 20 ára. Þakka þér fyrir að hlusta og vera til staðar þegar ég var 31 árs í sál­ar­ang­ist. Þakka þér fyrir að vera amma barn­anna minna. Þakka þér fyrir að vera stjúp­mamma mín,“ segir hún.