Víðir loksins kominn í langþráð frí: „Við sjáum þig kannski ekki mikið oftar“

„Við sjáum þig kannski ekki mikið oftar, því ég veit að það á að gera aðra til­raun til að senda þig í frí. Vonandi tekst það og gangi þér vel með það. Vonum að aðstæður geti verið þannig að Víðir geti verið í frí­inu.“

Svo lauk Ingólfur Bjarni Sig­fús­son við­tali sínu við Víði Reyn­is­son, deild­ar­stjóri almanna­varn­ar­deildar rík­is­lög­reglu­stjóra, í hádeg­is­fréttum RÚV. Víðir fær því loks­ins frí þar sem gosið reynd­ist minna en menn héldu. Óhætt er að segja að mikið hefur mætt á Víði und­an­farið en eld­gos í við­bót við COVID hefði bætt gráu ofan á svart. Af brosi Víðis að dæma þegar Ingólfur Bjarni sendi hann í fríið þá er það lang­þráð.

Fyrr hafði hann lýst ástand­inu svo: „Við erum með hættu­stig í gangi. Ástæðan fyrir því að við förum upp á neyð­ar­stig er óvissan þegar svona atburður er. Það tekur nokkra klukku­tíma til að fá betri mynd af þessu. Þegar við sáum í morgun hver raun­veru­leg staðan var, bara lítið gos að ræða þá lækk­uðum við okkur niður á hættu­stig.“

Víðir er þó ekki áhyggju­laus. „Svæðið er ekki lokað en það er hættu­legt og vara­samt. Gott að hafa í huga ef fólk ætlar að labba þangað þá eru þetta sex til átta tímar sem það tekur að ganga frá, til dæmis bíla­stæð­inu við Bláa lónið, yfir úfið hraun og það er erfitt. Svo er tveggja stiga hiti og slydda. Þetta er bara ganga fyrir vant fólk og vel­búið. Svo ég er ekki að mæla með því, en svæðið er ekki lokað. Það er samt vara­samt, bæði gasmeng­unin og svo geta aðstæður breyst mjög hratt,“ sagði Víðir.

Víðir loks­ins kom­inn í lang­þráð frí: „Við sjáum þig kannski ekki mikið oftar“