Íslendingar fá á baukinn á Twitter erlendis: „Þetta fólk er klikkað“

Mynd­bandið af gos­inu í Geld­inga­dölum sem sýnir vegg í hraun­gígnum Gemlingi hrynja og fólk flýja er komið á Twitter þar sem útlend­ingar hrauna yfir íslenska fífldirfsku. Mynd­band­inu var deilt og við það stóð: „Á Íslandi er fólk bara að taka því rólega á gjósandi eld­fjalli.“

Í dag hafði mynd­band­inu verið deilt hátt í 4000 sinnum og fjöldi manns búinn að skrifa athuga­semd við það. Þykir fólki mis­gáfu­legt að verið sé að fara svo nálægt eld­gosi.

„Höldum covid partý á gjósandi eld­fjalli. Lífið er ann­ars bara of leið­in­legt.“

„Það er ekki skyn­sam­legt að vera svo nærri eld­gos­inu, maður veit aldrei hvenær eitt­hvað gefur sig og kvikan fer að flæða af mun meiri krafti.“

„Þau hljóta að vera drukkin og í fríi.“

„Þau eru klikkuð. Fáfræðin fer yfir öll vel­sæm­is­mörk. Yfirvöld ættu að banna þetta.“

„Sjáið þetta þarna, förum og horfum. Þetta fólk er klikkað.“

„Íslend­ingar eru klikk­aðir, ekki heimskir.“

„Þetta hlýtur að vera gegn ein­hverjum lögum?? Af hverju ættir þú að hætta lífi þínu??!!“

„Ég veit ekki hvort þetta er rangt, en þetta er ekki rétt!!“

„Allt gleði og gaman þar til kvikan svíður fót­inn af ein­hverjum.“

Aðrir skildu vel að fólk væri að ganga upp að gos­inu og sögð­ust myndu gera það sama ef þeir væru á Íslandi:

„Satt best að segja væri ég að kepp­ast um að fá að vera fremst.“

Enn aðrir höfðu húmor fyrir aðstæðum eins og sjá má á ummæl­unum hér að neðan:

„Ættu þeir ekki að vera henda hring ofan í hraunið eða skilm­ast með geislasverðum þarna.“

„Þeir hafa aldrei fundið fyrir svona miklum hita áður.“

„Þetta eru vík­ingar. Þeir hræð­ast ei eldguð­inn.“

„Hey þetta er frír hiti, fólk hlýtur að vera spennt.“

Sjá einnig: Öskur og ofsa­hræðsla – Sjáðu þegar gosið hætti að vera skemmti­legt – „Oh my god!“