Tvær ungar stúlkur glöddu Hauk fyrir páskana: „Manni hlýnar í hjartanu“

Haukur nokkur, íbúi í Sand­gerði, trúði varla sínum eigin augum þegar inn um bréfalúg­una barst fal­legur og óvæntur páskaglaðn­ingur á dög­unum. Glaðn­ing­ur­inn var frá tveimur ungum stúlkum í bænum sem virð­ast hafa glatt fleiri bæj­ar­búa með svip­uðu.

Haukur segir frá gleð­inni í hópi bæj­ar­búa á Facebook og birtir þar mynd af páskaglaðn­ingnum óvænta. Þar segir hann:

„Kæru vinir, hingað á Hlíð­ar­göt­una barst fal­legur glaðn­ingur frá tveimur ungum stelpum, þeim Eddu og Íssól. Þær settu óum­beðið inn um lúg­una bæði nammi og pen­ing með miða þar sem okkur var óskað gleði­legra páska. Góðverk og hlý­hugur sem þessum ber að fagna frá svo ungum ein­stak­lingum. Takk fyrir okkur og vona að þið eigið ynd­is­lega páska. Þið fáið mikið hrós frá okkur fyrir fal­lega fram­tak­semi.“

Sig­ur­björg býr líka í Sangerði og fékk sams­konar send­ingu á dög­unum. „Við fengum einmitt 2 bréf, lít­inn stein og 10 krónu pen­ing inn um lúg­una hjá okkur,“ segir Sig­ur­björg.

Andrea sam­gleðst með þeim. „Vá en ynd­is­legt, segir Andrea. Það gerir Jóhanna einnig. „En ynd­is­legt. Gaman að heyra svona fal­legar sögur,“ segir Jóhanna. Og Gunn­hildur gleðst líka. „Manni hlýnar í hjart­anu, segir Gunn­hildur.