Allt á hliðina vegna nýrra laga um sóttvarnarhótel – „Hættið að væla”

Allt sam­fé­lagið er farið á hlið­ina vegna nýrra laga um sótt­varn­ar­hótel, sem tóku gildi í gær 1.april.
Lög­fræð­ing­ur­inn Ómar R. Valdi­mars­son hefur stigið fram og boðið ókeypis aðstoð við mála­rekstur vilji fólk láta reyna á laga­heim­ild þving­aðrar sótt­kvíar á sótt­varn­ar­hót­eli. Orðrétt segir í Facebookfærslu Lög­manns­stof­unnar Valdi­mars­son:

„Ef ein­hver vill láta reyna laga­heim­ild á þving­aðri sótt­kví í gúlagi „Hér eru íslenskar gæsalappir“stjórn­valda, við kom­una til lands­ins, býðst lög­manns­stof­an til þess að reka málið fyr­ir við­kom­andi án þess að rukka hana/​hann um krónu.“

Hættið að væla

Svein Andri Sveins­son hæsta­rétt­ar­lög­maður er allt annað en sam­mála eins og sjá má á skrifum  á Facebooksíðu hans:

„Við sem sýnum sótt­varna­sam­stöðu og neitum okkur um utan­lands­ferðir fögnum þessum nýj­ustu og löngu tíma­bæru sótt­varna­ráð­stöf­unum. Ef ein­hver kemur til mín og biður mig um að sækja mál fyrir sig út af dvöl í þessu lúxus-sótt­kví­ar­hót­eli, mun ég segja við­kom­andi að hætta að væla. Sótt­varnir heillar þjóðar og almanna­heill eru mik­il­væg­ari en það hvort fólk taki út sótt­kví heima hjá sér eða á lúx­us­hót­eli. Laga­grund­völl­ur­inn er auka­at­riði.“

Telja brotið á frelsi fólks

Halldóra Mogensen, þing­flokks­for­maður Pírata og Hanna Katrín Frið­riks­son, þing­flokks­for­maður Við­reisnar, sem einnig er áheyrn­ar­full­trúi í vel­ferð­ar­nefnd, vilja láta kanna rétt­mæti nýrra laga um sótt­varn­ar­hótel. Þær telja báðar að um of mikið inn­grip í frelsi fólks sé að ræða. Fólk sem eigi um aðra kosti að velja en sótt­varn­ar­hót­els­vist eigi að vera und­an­skilið nýju lög­unum, sem efast er um að haldi vatni. Visir fjall­aði fyrst um málið.

Segir nei

Guð­mundur Ingi Krist­ins­son, þing­flokks­for­maður Flokks fólks­ins, þver­neitar að sam­þykkja það að Vel­ferð­ar­ráð verði kallað úr páska­fríi til þess að funda um málið. Samþykki allra í nefnd­inni þarf til svo kall­aður verði  fundur.

Vill ræsa heilbrigðisráðherra út

Helga Vala Helga­dóttir, for­maður vel­ferð­ar­nefndar Alþingis, telur mik­il­vægt að heil­brigð­is­ráð­herra boði til fundar vel­ferða­ráðs. Hún telur að það sé brýnt að hægt sé að benda á  laga­stoð­ina  sem fylgir hertum aðgerðum.

Einn farinn

Ef marka má frétt á MBL.is hefur einn nú þegar óskað eftir því að fá að yfir­gefa sótt­varn­ar­hót­elið og kýs að láta reyna á laga­hlið­ina á vist­un­inni.

Fólk virðir ekki sóttkví

Á sama tíma ber­ast fréttir af því, hvað eftir annað, að fólk sem á að vera í sótt­kví sé að mæta upp á gossvæðið og á fleiri staði. Að því er virð­ist er bæði um Íslend­inga og erlenda ferða­menn að ræða. Talað er um að treysta verði fólki til þess að halda sótt­kví en það hefur ekki gef­ist of vel hingað til.

Alvar­leiki máls­ins

Hver er réttur þeirra sem settir eru í hættu með svona hátta­lagi ? Gerir fólk sér almennt ekki grein fyrir því að skæður heims­far­aldur er í gangi ? Ekki er búið að bólu­setja nema 23.698 manns á Íslandi auk þess sem stöðugt eru að ber­ast miður góðar fréttir af þróun Covid- 19 mála utan úr heimi og hér á landi. Bólu­settir bera í sér veiruna og geta smitað og veikst sjálfir. Fólk er að fá Covid- 19 oftar en einu sinni og margir  sem hafa fengið fengið veiruna eru enn ári síðar að berj­ast við að ná heilsu.

Börnin

Breska afbrigðið sem komið er til Íslands leggst harðar og í rík­ari mæli á börnin okkar sem ekki eru búin að taka út sinn þroska og ekki er vitað hver áfrifin verða á þau í fram­tíð­inni. Hér á landi hafa 29 mann­eskjur tapað bar­átt­unni við Covid- 19. Þessir 29 ein­stak­lingar áttu sér líf áður en veiran tók það frá þeim og þá frá fjöl­skydum og ást­vinnum. Gerir fólk sér grein fyrir álag­inu á heil­brigð­is­starfs­fólk sem og kenn­ara, leik­skóla­kenn­ara og allt fram­línu­fólkið okkar ?

Bólusetningar

Bólu­setn­ingar ganga hægt og ekki er útséð um hvenær lokið verður við að bólu­setja við­kvæm­ustu hópanna, 67 ára og eldri og þá sem eru með und­ir­liggj­andi sjúk­dóma. Þetta fólk hefur haldið sig mjög til hlés í rúmt ár. Hver er réttur þess­arra hópa ?