Á dögunum óskaði Leifur Garðarsson eftir því að láta af störfum sínum sem skólastjóri Áslandsskóla frá 1. apríl. Árdís Ármannsdóttir, samskiptastjóri Hafnarfjarðarbæjar, staðfestir þetta í samtali við
mbl.is
.
Sjá einnig: Leifur skólastjóri í leyfi vegna óeðlilegra samskipta við konur
Leifur S. Garðarsson, skólastjóri Áslandsskóla, var sendur í ótímabundið veikindaleyfi frá störfum sínum í febrúar síðastliðnum eftir að upp komst um óviðeigandi samskipti hans við leikmann meistaradeildar kvenna í körfuknattleik.
Leifur starfaði einnig sem körfuboltadómari en snemma árs 2020 greindi Leifur frá því á samfélagsmiðlum að leiktíð sinni sem körfuboltadómari væri lokið vegna meiðsla.
Í janúar á þessu ári greindi KKÍ hins vegar frá því að krafta hans yrði ekki óskað til frambúðar vegna brota á siðareglum líkt og Mannlíf greindi frá og var hann tekinn af dómaraskrá Körfuknattleikssambands Íslands.
Ástæðan eins og áður sagði voru ósæmileg samskipti við kvenkyns leikmann sem áttu sér stað á samskiptamiðlum snemma árs í fyrra og hefur Hafnarfjarðarbær staðfest að áður hafi borist kvartanir vegna Leifs.
Sjá einnig: Skólaskrifstofa Hafnarfjarðar skoðar mál Leifs skólastjóra
Áður hefur Mannlíf greint frá óviðeigandi framkomu af hálfu Leifs, en stúlka sem hann þjálfaði eitt sinn steig fram og birti skilaboð sem hann hafði sent sér.
Skrifaði stúlkan á Twitter:
„22 ára gömul fékk ég þessi skilaboð frá þjálfara í deildinni. Mjög svo óviðeigandi frá rígfullorðnum giftum manni. Slík hegðun fjölmargra þjálfara sem ég veit um gagnvart ungum stúlkum í deildinni hefur liðist í öll þessi ár. #timeisup“
Í skilaboðunum stóð meðal annars:
Fanney … nú ferð þú að sofa stúlka 🙂 !
Svo góð og stillt
Tvær mannætur voru á röltinu í skóginum þegar þær sáu þvílíkt vel vaxna ljóshærða gellu … hún var með þvílík brjóst, mjótt mitti og allt í gangi.
Sonurinn sagði við pabbann: „Hey pabbi, eigum við að fara með hana heim og éta hana?“
Sjá einnig: Leifur áður verið rekinn – Sagður hafa varið sjálfan sig með fölsuðum aðgangi á Facebook
Athugasemdir