„Er ekki um að gera að nota tækifærið núna og skella sér á spennandi stefnumót á þessum óvenjulegu tímum? Það er allavega alltaf pláss fyrir ást, rómantík og gleði,“ sagði Ása Ninna Pétursdóttir sem verður annar þáttarstjórnenda, nýs raunveruleikaþáttar sem er í bígerð hjá Stöð 2. Ása ræddi þessi mál á Vísi og sagði að um væri að ræða stefnumótaþátt. Ása Ninna starfar starfar sem blaðamaður hjá Vísi. Henni til aðstoðar verður svo veitingastjórinn Sveinn Rúnar Einarsson.
Þættirnir munu bera nafnið Fyrsta blikið, en í þeim verður kynnst fólki á öllum aldri sem er í leit að ástinni og ævintýrum. Fólk er síðan parað saman og sent á blint stefnumót.Uppbygging þáttarins hljómar líkt breska raunveruleikaþættinum FirstDates sem hefur notið mikilla vinsælda í Bretlandi, en þeir hófu göngu sína árið 2013. Þættirnir hafa einnig verið í sýningu hér á landi á Stöð 2. En þar er einmitt kynnst ólíkum einstaklingum á öllum aldri og þau síðan pöruð saman og send á stefnumót.Spennandi verður að fylgjast með þættinum, en nú stendur yfir leit að einhleypu fólki á aldrinum 20 til 100 ára til að taka þátt og freista þess að finna ástina á skjáum landsmanna.
Athugasemdir