Ólöf segir skrúfur ítrekað losaðar af hjólum í Vesturbæ: „Sonur minn flaug af hjólinu sínu“

Ósvífnir aðilar sem vinna alvar­leg skemmd­ar­verk á hjólum virð­ast vera á kreiki í Vesturbæ Reykja­víkur.

Sonur Ólafar nokk­urrar lenti í miður skemmti­legu atviki, en skrúfur höfðu verið los­aðar af fram­dekki hjóls hans og datt það undan þegar hann hjólaði af stað með þeim afleið­ingum að hann flaug af hjól­inu.

Hér má sjá hjól sonar Ólafar

Dreng­ur­inn beið aðhlynn­ingar á Lækna­vakt­inni með móður sinni þegar hún greindi frá þessu í Facebook hópi hverf­is­ins.

Sonur Ólafar sagði móður sinni frá því að þetta væri ekki fyrsta hjólið sem skemmd­ar­verk væru unnin á, því þrír vinir hans lentu í svip­uðu atviki í vik­unni á undan.

Einnig rekur Ólöfu minni til sam­bæri­legra frá­sagna í fyrra, en eftir því sem hún best veit eru þessi skemmd­ar­verk helst unnin fyrir utan Granda­skóla. Hún fjallar um málið í færslu í hverf­is­hópi íbúa á Facebook:

„Sonur minn flaug af hjól­inu sínu í dag þar sem búið var að vinna skemmd­ar­verk á því og losa skrúfur af fremra dekk­inu. Hann er nú haltur og við erum að bíða uppi á Lækna­vakt, en það gefur auga leið að þetta hefði getað farið mun verr. Guttinn sagði mér að svo margir sem þrír vinir hans hefðu lent í sam­bæri­legu í síð­ustu viku,“ segir Ólöf og bætir við:

„Nú velti ég fyrir mér nákvæm­lega hvað er búið að gera í þessu og hvort búið sé að til­kynna þessi mál til lög­regl­unnar, en sjálf hyggst ég gera það. Ég vona alla­vega að ekki þurfi banaslys til að tekið verði alvar­lega á þessum málum. Í öllu falli mælist ég til þess að við ræðum þessi mál við börnin okkar bæði svo þau séu með­vituð um að kanna hjólin sín og taki ekki þátt í svona skemmd­ar­verkum nú eða síðar.“

Flestum íbúum hverf­is­ins er mjög brugðið. Hall­fríður er ein þeirra. „Þetta er skelfi­legt! Getur sann­ar­lega endað með hryll­ingi ef ekk­ert er að gert,“ segir Hall­fríður. Maríu líst illa á blik­una. „lHver anskot­inn er að fólki að gera svona?,“ spyr María.