„Ég var vissulega drukkinn og graður og fékk móral yfir þessu“

„Tuttugu og þriggja ára gamli ég sagði stelpu að fokka sér af því hún neit­aði mér um heim­boð niðri í bæ. Ég var rétt búinn að segja hæ áður en ég spurði hvort hún vildi sofa hjá mér,” skrifar þrí­tugur maður á Instagram síð­una Fávitar sem Sólborg Guð­brands­dóttir hefur rekið til að vekja athygli á kyn­ferð­is­of­beldi. Sólborg hefur einnig gefið út bók með sama nafni sem vakið hefur mikla athygli.

Fjöldi íslenskra stúlkna og kvenna, allt niður í 12 ára aldur, hafa tjáð sig um kyn­ferð­is­legt áreiti og ofbeldi á síð­unni. Mikil fjöldi kvenna hefur sagt reynslu sína af kyn­ferð­is­of­beldi en einnig hafa karl­menn opn­aði sig á síð­unni og hafa tjáð sig um kyn­ferð­is­of­beldi, jafnt sem þolendur og ger­endur. Margir segja sög­urnar hafi vakið sig til umhugs­unar og heldur mað­ur­inn áfram frá­sögn sinni.

„Þetta gerði ég tvisvar í gamla daga. Ég var vissu­lega drukk­inn og graður. En það skiptir engu máli. Ég fékk móral yfir þessu dag­inn eftir en hann var ekki mik­ill“.

Hann segir að það hafi ekki verið fyrr en mörgum árum síðar þegar hann var spurður „af hverju léstu svona við þessar stelpur” sem hann átt­aði sig á að því að hann lét svona af því að honum fannst hann hafa rétt á að sofa hjá stelpum.

„Og ef þær vildu það ekki, voru þær bara með leið­indi. Í þessu karllæga sam­fé­lagi var ég ekki maður með mönnum nema ég svæfi hjá stelpum. Og hefði lítið fyrir því.

Ég hef líka slut-shameað stelpur. Og ég hef tekð undir victim blaming. Og ég fatt­aði það ekki einu sinni hvað það var and­styggi­legt og mis­jafnt. Af því sam­fé­lagið er svo sjúkt.

Svo las ég mig til. Lærði og hlust­aði. Og í dag séð ég það svo vel hvað sam­fé­lagið í dag þarf að breyt­ast. Og hvað kven­fyr­ir­litn­ing er normal hlutur í sam­fé­lag­inu. Og hvað nauðg­un­ar­menn­ingin er mikil. Maður þarf ekki annað en að skrolla niður þessa síðu (Fávitar) í 10 mín­útur til að sjá það.

Anyway….Ég hef gert margt sem ég sé eftir án þess að hafa pælt í því fyr en löngu seinna. Ein­fald­lega af því er karl­maður. Ekki af því að ég var illa upp alinn….ég átti ekki sex­ist for­eldra. Þetta er bara af því þetta er als­staðar og stans­laust.

Þetta hel­vítis feðra­veldi.“