Stuðmennirnir Egill Ólafsson og Jakob Frímann Magnússon eru með stórmerkilega stuðningsyfirlýsingu við sjálfstæðismanninn Vilhjálm Bjarnason í Mogganum í dag. Viðhjálmur sækist eftir einu af efstu sætunum í Suðvesturkjördæmi. Jakob og Egill vitna til þess í aðsendri grein að árið 1982 gerðu Stuðmenn leynisamning við forstjóra
Sambandsins um dulbúna áróðursmynd til varnar hinu fallandi stórveldi. Þeir áttu að fá eina milljón króna í styrk. Stuðmenn sungu um mikilvægi þess „að vera í Sambandi“. og mærðu SÍS á alla kanta. SÍS sveik Stuðmenn um milljónina er lofað hafði verið. Báru við slæmum
heimtum frá bændum og búaliði. Myndin var í uppnámi. Þá var siglt til Vestmannaeyja og bankað upp á hjá bankastjóra Útvegsbankans þar, Vilhjálmi Bjarnasyni sem hlustaði og gaumgæfði. Hann mat stöðuna þannig að um sé að ræða stórt kynningartækifæri fyrir Vestmannaeyjar og Þjóðhátíðina í Herjólfsdal. Stuðmenn gengu út með ávísun að upphæð milljón krónur og til varð fjölsóttasta kvikmynd Íslandssögunnar, Með allt á hreinu. Nú vilja Stuðmenn launa Vilhjálmi hjálpina og hvetja sitt fólk til að kjósa hann …
Athugasemdir