Inga Heiðdal hefur nýverið vakið athygli á gríðarlegum verðmun á nákvæmlega sömu vörunni á Facebook síðu sinni. Um er að ræða kjól sem seldur er annars vegar hjá Litlu skvísubúðinni í Vestmannaeyjum og hins vegar hjá Júník í Reykjavík.
Kjólinn kostar 9.990 krónur hjá Litlu skvísubúðinni í Vestmannaeyjum en 16.990 krónur hjá Júník í Reykjavík. Því munar 70 prósent á verðinu á milli þessara tveggja verslana á sömu vörunni.
Reynt að afsaka
Inga segir þetta þvílíkt og annað eins og undrar sig á því að fólk skuli leyfa sér svona lagað. Hún biðlar svo til fólks að deila pósti sínum. Viðbrögð fólks láta ekki á sér standa og gamla góða umræðan um hærra leiguverð kemur upp en er skotin jafn harðan niður. Rökin eru þau að í Kringlunni og í Reykjavík sé mikið meiri velta hjá fyrirtækjum heldur en úti á landi og í þessu tilfelli Vestmannaeyjum, sem er rétt. að reyna að réttlæta okur á neytendum á þessum grundvelli heldur hreinlega ekki vatni og það er í raun ekkert sem afsakar svona verðlagningu. Það kemur fram að innkaupaferð á kjólnum sé um 4.000 krónur svo ekki er álagningin spöruð svo mikið er víst.
Sara í Júník tjáir sig
Sara eigandi Júník tjáir sig undir færslu Ingu og segir að um mistök hafi verið að ræða. Sú skýring fær ekki mikil hljómgrunn og Sara er meðal annars spurð hvort hún haldi að þessari útskýringu hennar sé virkilega trúað.
Máttur neytenda
Ljóst er að neytendur þurfa að vera vakandi og gera nákvæmlega það sama og Inga gerir, láta aðra neytendur vita af óheyrilegri verðlagningu og okri. Það er máttur sem neytendur mega ekki gleyma að nota til þess að sporna við ósanngjörnum viðskiptaháttum.
Athugasemdir