Sonja lifði af þrjá lífshættulega sjúkdóma: „Allir héldu að ég væri að deyja“

„Ég skráði mig í þessa keppni síð­ast­liðið haust, en svo gerð­ist það óhugs­an­leg­asta í des­em­ber; ég var lögð inn á bráðamóttöku í lok mán­að­ar­ins og í kjölfarið inn á gjörgæslu­deild, þar sem mér var ekki hugað líf,“ segir hinn hálf­þrí­tugi lög­fræð­ingur og kepp­andi í þrí­þraut, Sonja  Sím­on­ar­dóttir og bætir við:

„Allir héldu að ég væri að deyja.“

Við dauð­ans dyr í jan­úar – Keppti í hálfum járn­karl í júní –  Lifði af þrjá lífs­hættu­lega sjúk­dóma

Sonja fékk slæma þvag­færa­sýk­ingu í des­em­ber sem leiddi til sýkla­sótt­ar­losts og: „Ég hafði aldrei fengið þvag­fara­sýk­ingu og fann engin ein­kenni; sýk­ingin mall­aði í mér og skil­aði sér síðan út í nýrun; þaðan út í blóðið.“ Það var svo í lok des­em­ber í fyrra sem Sonja fer að finna fyrir miklum bak­verkjum:

„Ég vissi ekki að nýrun væru stað­sett svona neð­ar­lega í bak­inu; hélt að þetta væri æfing­ar­á­lag og hélt áfram að æfa.“

Stóð ekki í lappirnar

Sonja segir að „sárs­auk­inn versnar og versnar þar til ég fæ mik­inn hita, upp­köst og gat ekki staðið í lapp­irnar vegna sárs­auka.“

Þá var hringt á sjúkra­bíl og Sonja strax lögð inn á gjör­gæslu.

Þess ber að geta að keppni í þrí­þraut – hálfum járn­karli – er ekki fyrir neina aukvisa; þeir þurfa að synda tvo kíló­metra, hjóla níu­tíu kíló­metra og hlaupa hálft mara­þon, sem er rétt rúmir tutt­ugu og einn kíló­metri.

En aftur að veik­indum Sonju.

Þegar nið­ur­stöður lágu fyrir varð­andi heift­ar­leg veik­indi hennar kom í ljós „að ég hafði fengið sýklasóttar­lost – Sepsis – brátt andnauð­ar­heil­kenni -ARDS – og ekki nóg með það, heldur líka fjöllíffæra­kerf­is­bilun.“

Það næsta sem beið Sonju var önd­un­ar­vél en „ég lá í önd­un­ar­vél á gjör­gæslu­deild í níu sól­ar­hringa og dvaldi á spít­ala í tvær vikur.“

Hálfur járnkarl

Þrátt fyrir hræði­legar bata­horfur sýndi Sonja að hún er miklu meira en hálfur járn­karl; hún lifði af þrjá lífs­hættu­lega sjúk­dóma:

„Eitt það fyrsta sem fólk sagði við mig þegar ég kom úr öndun­arvélinni var að ég mætti ekki taka þátt í neinum keppnum þetta árið; yrði að gleyma þessum járnkarli sem fór fram í síð­asta mán­uði.“

Sonja sagð­ist skilja vel áhyggjur fólks af heilsu hennar.

„Ég skildi þetta og fann að ég þurfti tíma til að byggja upp líkamann á nýjan leik eftir þessi hræði­legu veik­indi.“

Sonja segir að það hafi nán­ast verið búið að afskrifa hana, veik­indin voru svo hræði­leg og hættu­leg:

„Eins og segir í útskrift­ar­bréf­inu mínu þá fékk ég þrjá lífs­hættu­lega sjúk­dóma en með stífri gjör­gæslu­með­ferð þá bless­un­ar­lega lifði ég þetta af.“

Tók tíma að safna kjarki

Hún segir að eftir að hún losn­aði úr önd­un­ar­vél­inni hafi hún fyrst um sinn þurft hjálp við allar dag­legar athafnir:

„Það var mikið sjokk og ég fór í mikla afneitun, en á sama tíma átt­aði ég mig á því að þetta var mikið sjokk fyrir lík­amann. Mig hefði aldrei grunað að þetta gæti komið fyrir mig, því ég lifi heil­brigðu lífi og hreyfi mig mikið.“

Eftir dvöl­ina í önd­un­ar­vél­inni tók við tími end­ur­hæf­ingar þar sem byrj­unin var fólgin í göngut­úrum og henni var tjáð af læknum að það tæki lík­amann eitt ár að ná aftur sex­tíu pró­sentum af venju­legri orku; draum­ur­inn um þrí­þraut­ar­keppni væri dáinn.

„Ég var alveg búin að afskrifa þessa keppni.“

Sonja segir að „það hafi tekið tíma að safna kjarki á ný eftir veik­indin; fór hægt af stað, en í apríl segi ég þjálf­ar­anum mínum að ég ætli ekki að keppa. Hún segir mér að hugsa málið og segir að ég sé á góðu róli. Þá fyllt­ist ég svaka­legum eld­móð.“

Sonja tók „ákvörðun um að keppa þrátt fyrir veik­indin,“ og það kom fjöl­skyldu hennar ekki á óvart enda Sonja þekkt fyrir mikið keppn­is­skap; segir keppn­ina í júní hafa hjálpað henni að treysta lík­am­anum á ný eftir veik­indin, aðeins nokkrum mán­uðum eftir að hún lá við dauð­ans dyr.

Og segir að lokum að það að „ná síðan að klára svona áskorun og að lík­am­inn skili sér í gegn er ótrú­lega dýr­mætt. Þannig að ég og lík­am­inn erum orðnir vinir vera vinir á nýjan leik.“

Heimild: visir.is