Auknar líkur á gosi í Grímsvötnum – „Eins og að hrista kók­flösku og taka tappann af“

Auknar líkur er á eld­gosi í Grím­svötnum í ár segja sér­fræð­ingar. Gosið gæti mögu­lega fylgt jök­ul­hlaupi á svæð­inu en mikið vatns­magn og kvika hafa nú safn­ast í vötnin.

Í fyrra töldu sér­fræð­ingar að gosið gæti í Grím­svötnum en ekki varð úr því. Það þýðir aftur á móti að enn meira vatnar og kvika hafa safn­ast saman og því hafa lík­urnar á gosi auk­ist frekar en ekki hefur mælst jafn mikið vatn þar í ald­ar­fjórð­ung.

Vísir ræddi við Björn Oddsson, jarð­eðl­is­fræð­ing og fag­stjóra hjá almanna­vörnum, um hætt­una á gosi í Grím­svötnum. Hann segir að því lengur sem líður án jök­ul­hlaups því meiri líkur eru á eld­gosi.

„Vegna þess að ef kviku­hólfið í Gríms­vötnum safnar alltaf meiri kviku þá er komin meiri kvika á geym­inn núna en í fyrra til dæmis. Hitt er svo að þrýsti­fallið ofan af kviku­hólf­inu er meira ef við tökum meira vatn af því í einu heldur en minna. Þetta er eins og að hrista kók­flösku og skrúfa svo tapp­ann af.“