Oddviti Garðabæjarlistans: „Óásættanlegt að farið sé á skjön við lög um opinber innkaup“

Mannlíf hefur einn fjöl­miðla fjallað um spill­ingu sem virð­ist ríkja í bæj­ar­stjórn Sjálf­stæð­is­flokks­ins í Garðabæ og varðar sér­stak­lega tvennt:

Annars vegar klúður varð­andi hina svoköll­uðu „Millj­arða­höll“ sem er knatt­spyrnu­hús sem kost­aði fimm millj­arða króna en er með of lága loft­hæð til að hægt sé að leika þar í efstu deildum karla og kvenna í knatt­spyrnu og þar af leið­andi lands­leiki líka.

Hins vegar aug­ljós hags­muna­tengsl for­seta bæj­ar­stjórnar meiri­hlut­ans í Garðabæ, Bjargar Fenger, sem fékk samn­ing frá Garðabæ án almenns útboðs til fyr­ir­tækis sem er að stórum hluta í eigu hennar, Terra – áður Gáma­þjón­ustan.

Garða­bæj­ar­list­inn er leiddur af Söru Dögg Svan­hild­ar­dóttur og hefur hún og félagar hennar í Garða­bæj­ar­list­anum ítrekað bent á það sem þau vilja meina að séu óeðli­legir stjórn­un­ar­hættir; þar sem keypt þjón­usta hefur ítrekað ekki verið boðin út sem skyldi, fyrr en Garða­bæj­ar­list­inn kall­aði eftir aðgerðum, þegar úttekt á stjórn­sýslu stað­festi þá gagn­rýni enn frekar:

Sara Dögg.

„Því kom það veru­lega á óvart þegar lagður var fram samn­ingur til sam­þykktar um leigu/kaup á fær­an­legum ein­gingum frá Terra ehf án útboðs. En slík vinnu­brögð eru ekki til þess fallin að auka traust eða trú­verð­ug­leika að vandað sé til verka þegar farið er með skattfé íbúa sveit­ar­fé­lags­ins,“ segir Sara Dögg og bætir við:

„Við fáum ekki annað séð en að farið sé á svig við lög um opin­ber inn­kaup með því að bjóða ekki út leigu og/eða kaup á fær­an­legum ein­ingum sem rísa eiga í haust sem ung­barna­leik­skóli. Svör bæj­ar­stjóra hingað til hafa verið mis­vísandi um leið­ina sem ákveðið var að fara þegar gengið var til samn­inga við Terra ehf án útboðs.“

Sara Dögg lagði fram eft­ir­far­andi bókun á fundi í bæj­ar­ráði í vik­unni:

„Fram­komin svör eru í hróplegu ósam­ræmi við bókun meiri­hlut­ans frá 6. júlí síð­ast­liðnum, en  þar er full­yrt að leiga á „fast­eign eins og þeirri sem hér um ræðir“ sé und­an­skilin gild­is­sviði laga um opin­ber inn­kaup. Nú er ljóst að það er rangt, því hér er ekki um að ræða „fast­eign“ í skiln­ingi laga heldur lausafé – það er vöru. Lög um opin­ber inn­kaup eiga því við og skýr útboðs­skylda hvílir á Garðabæ,“ segir Sara Dögg og bætir við:

„Í 3. mgr. 4. gr. laga um opin­ber inn­kaup er skýrt kveðið á um þá samn­inga sem lögin taka til, meðal ann­ars vörusamn­inga sem hafa að mark­miði kaup eða leigu, með eða án kaupréttar. Útil­okað er að 39. gr. um samn­ings­kaup án útboðs­auglýsinga eigi hér við. Garða­bæj­ar­list­inn harmar að ekki hafi verið brugð­ist fyrr við þeirri gríðar­legu vöntun á leikskólaplássi í Garðabæ sem blasað hefur við í langan tíma. Þá teljum við einnig óásætt­an­legt að farið sé á skjön við lög um opin­ber inn­kaup. Markmið með þeim lögum er meðal ann­ars að tryggja jafn­ræði fyr­ir­tækja og stuðla að hag­kvæmni í opin­berum rekstri með virkri sam­keppni.“

Hún nefnir einnig að „Garða­bæj­ar­list­inn kall­aði eftir upp­bygg­ing­aráætlun síðasta haust og að brugð­ist yrði strax við skorti á leikskólaplássi. Ef það hefði verið gert þá væri Garðbær ekki að vand­ræð­ast með leigu og/eða kaupum á 27 fær­an­legum húsaein­ingum þar sem lög og reglur eru snið­gengin. Við þurfum að standa fag­lega að verki, sjá íbúaþróun fyrir og vera tilbúin með þjónust­una sem búið er að lofa verði fyrir hendi.“