Matgæðingur Mannlifs þessa vikuna er Sigmundur Davíð Gunnlaugsson, formaður Miðflokksins sem ætlar að bjóða okkur upp á steikta ýsu, en það ku vera uppáhaldsrétturinn hans. Sigmundur fílar helst heimilismat úr íslensku hráefni, en segir okkur að ekki reyni mikið á hæfileika hans í eldhúsinu, þó sé hann sérlega laginn við að grilla íslenskt kjöt.
Týpískur partýréttur Sigmundar er þurrkað kjöt og harðfiskur, en á venjulegum degi vill hann helst fá sér egg í morgunmat, skyr í hádeginu og kolvetnislítinn mat að kvöldi. Sigmundur leggur mikið upp úr því að vita uppruna hráefnisins og fari hann til útlanda tekur hann gjarnan með sér nesti.
Skemmtilegt er frá því að segja að ,,nýlega svarf að honum hungur á ferðalagi fyrir austan. Þar sem hann var á hraðferð greip hann í skyndi til þess sem næst var hendi- íslenskt nautahakk. Þetta vakti mikla athygli þó tilgangurinn hafi fyrst og fremst verið að seðja hungrið“ segir Sigmundur.
Hér fyrir neðan má sjá uppskriftina af uppáhaldsrétti Sigmundar.
Steikt ýsa
- Hveiti
- Salt
- Pipar
- Karry (örlítið)
Aðferð: Fiskinum er velt upp úr hveiti fyrst svo upp úr eggi steikt á pönnu.Soðið íslenskt brokkolí og íslenskt salat með.Sigmundur er matgæðingur Mannlífs í helgarblaðinu sem þú getur lesið
hér
eða flett því hér fyrir neðan:
Athugasemdir