Arnari vísað á dyr í leikskóla á Seltjarnarnesi: „Þurfti að keyra heim með strákinn hágrátandi“

Arnar nokkur, íbúi á Sel­tjarn­ar­nesi, segir að dag­ur­inn sé ónýtur hjá sér og konu sinni eftir að hafa komið að lok­uðum dyrum á leik­skóla sonar síns í morgun. Mannekla hafi orðið til þess að leik­skóla­deild­inni var lokað og þurfti Arnar því að keyra aftur heim með strák­inn hágrát­andi

Arnar segir frá upp­lifun sinni í hópi hverf­is­búa á Facebook. Við skulum gefa honum orðið:

„Mér og tveggja ára stráknum mínum var vísað á dyr í leik­skól­anum í morgun og tjáð að deild­inni hans hefði verið lokað vegna mann­eklu. Ég þurfti því að keyra heim með strák­inn hágrát­andi yfir því að fá ekki að fara í leik­skól­ann og dag­ur­inn hjá okkur for­eldr­unum í rúst. Fyr­ir­var­inn var bók­staf­lega eng­inn og tæp­lega það, því það var sendur út tölvu­póstur klukkan 8:02 í morgun. Er þetta ein­fald­lega nýi raun­veru­leik­inn sem börn og for­eldrar á Sel­tjarn­ar­nesi þurfa að sætta sig við, svona í kjöl­far þess sem hefur gengið á núna í haust?,“ spyr Arnar.

Fjöl­margir bæj­ar­búa hafa tekið þátt í umræð­unni undir færslu Arnars. Þórdís segir þetta því miður vera raun­veru­leik­ann. „Þetta hefur komið fyrir á mörgum leik­skólum á höf­uð­borg­ar­svæð­inu í mörg ár. Ekkert nýtt því miður,“ segir Þórdís.

Tómas, íbúi á Sel­tjarn­ar­nesi, telur að þennan vanda þurfi að leysa hið fyrsta. „Leik­skóla­kenn­ara­starfið og önnur leik­skóla­störf eru meðal þeirra mik­il­væg­ustu í sam­fé­lag­inu og ættu því að vera hálauna­störf. ef þau væru hálauna­störf væri þetta ekki vanda­mál,“ segir Tómas.

Guðjón biður Arnar og fleiri íbúa um að vera ekki að kvarta þetta. „Stjórn­endur leik­skól­ans geta með engu móti gert neitt í þessu. Við erum í flensu tíma­bili ofan í covid þar sem fólk er bók­staf­lega beðið um að vera heima við minnstu ein­kenni. Það er spurn­ing um að menn og konur girði í brók og fari ekki að grenja í hvert skipti sem hallar á…“ segir Guðjón ákveð­inn.