Efling: Ógreidd laun upp á 97 milljónir innheimt í löginnheimtu: „Greiða ekki kröfur á settum tíma

Árs­fjórð­ungs­skýrsla Kjara­mála­sviðs Eflingar fyrir tíma­bilið júlí til sept­em­ber 2021 er komin út.

Ingólfur B. Jónsson, sviðs­stjóri Kjara­mála­sviðs segir það vekja ákveðna undrun hversu mörg fyr­ir­tæki kjósi að fara lög­manns­leið­ina. „Þessi fyr­ir­tæki kjósa að greiða ekki kröfur á til­settum tíma og fá frekar á sig lög­inn­heimtu með til­heyr­andi auknum kostn­aði, en ein­ungis rétt rúmar 2 millj­ónir inn­heimt­ust af starfs­mönnum á Kjara­mála­sviðs af þeim 15 millj­ónum sem voru útistand­andi.‟Heild­ar­fjöldi útsendra launa­krafna var 33 upp á tæpar 15 millj­ónir. Athygli verkur að engar launa­kröfur sneru að gjald­þrotum fyr­ir­tækja.

Lögmenn félags­ins inn­heimtu rúm­lega 97 millj­ónir króna. Vóg þar þyngst loka­upp­gjör í þrotabú fyr­ir­tæk­is­ins Topp­fiskur, en þar voru 42 launa­kröfur upp á sam­tals rúmar 53 milj­ónir. Því til við­bótar inn­heimt­ust kröfur fyrir 91 ein­stak­ling upp á rúmar 44 milj­ónir hjá lög­mönnum á þessum árs­fjórð­ungi.

Starfs­fólk Kjara­mála­sviðs aðstoð­aði Efl­ing­ar­fé­laga við 196 nýskráð mál sem er 40 málum fleiri en á síð­asta fjórð­ungi.

Á svið­inu inn­heimt­ust áður útsendar launa­kröfur upp á sam­tals kr. 2.079.768.