Neyðarástand framundan vegna Covid 19: „Það er ekki í boði að hengja haus og vera fúll“

Þórólfur Guðnason sótt­varn­ar­læknir segir að núver­andi bylgja kór­ónu­veirusmita sé sú stærsta til þessa í far­aldr­inum. Einnig að neyð­ar­á­stand muni skap­ast á sjúkra­húsum haldi núver­andi fjöldi dag­legra smita áfram. Ástandið sé orðið mjög slæmt.

Und­an­farna tvo daga hafa vel yfir 300 manns greinst með veiruna, en á upp­lýs­inga­fundi almanna­varna og land­læknis, sem boðað var til vegna hertra sótt­varna­að­gerða í dag, sagði áður­nefndur Þórólfur að þeir smit­uðu væru um dreifðir um allt Ísland, en hins vegar væru þeir flestir á höf­uð­borg­ar­svæð­inu. Einnig að komið hefðu upp hóp­sýk­ingar sem tengj­ast karókí­stöðum sem og kór­a­starfi.

Þórólfur sagði einnig stöð­una á Land­spít­ala og á sjúkra­hús­inu á Akureyri afar þunga og ef sami fjöldi smita heldur áfram skap­ist neyð­ar­á­stand þar mjög fljót­lega.

Yfir­lög­reglu­þjónn hjá almanna­varna­deild rík­is­lög­reglu­stjóra, Víðir Reyn­is­son, sagði smitrakn­ingu vera þunga vegna fjölda smit­aðra og að það kæmi klar­lega niður á þjón­ustinni, enda hafi þurft að vísa fólki frá far­sótt­ar­húsum sem ætti að vera í sótt­kví.

Eins og staðan er nú stefnir aug­ljós­lega í að fjöldi þeirra sem þarf að leggj­ast inn á sjúkra­hús vegna Covid-19 verði mjög fljót­lega meiri en heil­brigð­is­kerfið ræður við.

Þórólfur og Víðir lögðu þunga áherslu á sam­stöðu um sótt­varna­að­gerðir. Heil­brigð­is­ráð­herra til­kynnti að fimm hund­ruð manna sam­komu­tak­mark­anir tækju gildi í næstu viku og grímu­skylda strax.

Víðir var ekk­ert að fara í graf­götur með hvernig ástandið væri og að það þyrfti að taka á því:

„Það er ekki í boði að hengja haus og vera fúll,“ sagði hann.

Þórólfur biðl­aði til þeirra sem hafa talað niður sótt­varna­að­gerðir að standa með yfir­völdum í því verk­efni að kveða niður bylgj­una í við­ráð­an­legan fjölda, og forða þannig alvar­legum heilsu­fars­legum afleið­ingum fyrir þjóð­ina.