Bryndís ekki sátt við svar eiganda Curvy: „Mér finnst ömurlegt að Curvy skuli kalli mig lygara“

Mikla athygli vakti frétt Mannlífs um slæma upp­lifun Bryn­dísar Odd­geirs­dóttur af versl­un­inni Curvy.

Eigandi Curvy svar­aði fyrir sig og versl­un­ina eins og lesa má um hér.

Fríða Guð­munds­dóttir eig­andi Curvy

Bryndís er alls ekki sátt við svarið í áður­nefndri grein, og í sam­tali við Mannlíf sagði hún að „eins og ég segi þá hef ég alltaf fengið góða þjón­ustu hjá Curvy og bjóst við því að fá hana aftur núna; en þar sem þetta atvik kom upp um að nið­ur­lægja kúnn­ana sína finnst mér ömur­legt að Curvy skuli kalli mig lygara.

Ég er með vitni að þessu atviki og ég veit ekki af hverju ég ætti að ljúga um svona hluti,“ sagði Bryndís og telur það deg­inum ljós­ara að málið sé alls ekki á neinum mis­skiln­ingi byggt, og tekur aftur fram að „ég hef aldrei haft neitt á móti þess­ari verslun áður.“

Bryndís segir Curvy ljúga, og vitnar í þessa setn­ingu úr svar­grein Curvy:

„Þetta er svo fjar­lægt því sem við myndum nokkurn tíma segja við kúnn­ana okkar.“

Segir:

„Þarna er bein­línis sagt að það sem ég lenti í, og hef vitni að þessu ömur­lega atviki, sé upp­spuni og bara lygi. Þetta gerð­ist, ég sagði satt og rétt frá og bakka ekk­ert með það.

Þetta er alls ekki byggt á neinum mis­skiln­ingi, þetta gerð­ist raun­veru­lega eins og ég sagði frá, það er stað­reynd og ég bendi aftur á að vitni voru að þessu.“