Nokkrar vangaveltur hafa verið uppi um ástæður þess að Stefán Stefánsson gaf upp frekari framavonir á Mogganum og lét af störfum sem fréttastjóri viðskipta. Framan af var talið að Stefán yrði arftaki þess aldna leiðtoga og ritstjóra, Davíðs Oddssonar, sem ekki verður að eilífu á Mogganum. Um árabil hefur Stefán setið við fótskör hans og beðið eftir upprisunni. En svo gerðist það að Andrés Magnússon, sá umdeildi blaðamaður og yfirmaður minningargreina blaðsins, var ráðinn á Moggann og titlaður fulltrúi ritstjóra. Hvíslað var um það á ritstjórn Moggans að þar með hafi Stefán skilið að honum var ekki ætlað að taka við af Davíð. Hann hafi því ákveðið að hverfa á braut og loka varlega á eftir sér.
Þetta er í annað sinn sem Stefán upplifir höfnun af stærri gerðinni. Hann var á sínum tíma formaður VR en þótti standa sig illa og félagsmenn höfnuðu honum í kosningum. Stefán hefur krækt sér í nokkur vínumboð sem gefa ágætlega í aðra hönd. Hann mun ætla að einbeita sér að þeirri starfsemi. Draumur um frama í fjölmiðlum er úti, í bili að minnsta kosti …
Athugasemdir