Veganistar öskureiðir út í VOX: „Vá, svona framkoma er ófyrirgefanleg!“

Hávær umræða fer nú fram í fjöl­mennu sam­fé­lagi íslenskra vegan-ista á Facebook og eru með­lim­irnir ösku­reiðir út í veit­inga­stað­inn VOX. Eins og sjá má á upp­hafs­færslu umræð­unnar var þar hlegið að við­skipta­vin­inum sem vildi fá vegan-rétti í dög­urði stað­ar­ins.

„Stundum liður mér eins og ég sé algjört frík að borða ekki dýr eða dýra­af­urðir og finnst eins og fólk skilji ekki hvernig ég “nenni þessu”. Ég var á VOX áðan í brunch og þá var í alvöru hlegið í and­litið á mér þegar ég spurði 3 mis­mun­andi mann­eskjur hvort eitt­hvað af eft­ir­rétt­unum væri vegan..og einn hló við hlið­ina á öðrum og bað hann um að “útskýra fyrir mér”(eins og ég væri að spyrja hvort þeir myndu bjóða uppá orma eða eitt­hvað álíka),“ segir við­skipta­vin­ur­inn og heldur áfram:

„Ekkert vegan sushi, eina var bara ávextir, salat og eitt­hvað græn­meti (og jú brauð og hummus). Ég held ég hafi náð tali á lær­lingum en það á samt ekki að skipta máli finnst mér því þá hefðu þeir getað farið inn í eld­hús og spurt betur út í þetta. Æ fannst þetta alla­vega pínu svona óþarfi og sárt að fá þetta attitude og ekki bara frá einum. Fannst þetta bara svo leið­in­legt eitt­hvað.“

Fjöl­margir með­limir hóps­ins virð­ast hafa upp­lifað svipað á VOX og hvetja til upp­reisnar gegn staðnum, og öðrum þeim veit­inga­stöðum sem ekki vilja þjón­usta vegan-fólk. Kristín nokkur er ein hinna óánægðu. „Ömurlegt að þú sért að lenda í þessu  Svona fram­koma er ófyr­ir­gef­an­leg að mínu mati. Þú ættir að senda póst á skrif­stof­una þarna og kvarta hressi­lega,“ segir Kristín.

Sólveig er líka hund­fúl. „Vó, ömur­leg fram­koma, mér finnst þetta svona eins og að fara tutt­ugu ár aftur í tím­ann þegar þekkt­ist ekki að vera Vegan, en græn­metisætur voru werdó…Þetta er algjör­lega FÁRÁNLEGT við­mót. Fyrir utan að það eru vöru­svik að segj­ast ætla að bera fram vegan brunch en gera það svo ekki, þá er ALDREI afsak­an­legt að hlæja að við­skipta­vinum, og það upp í opið geðið á þeim­því­líkir dónar þarna,“ segir Sólveig ákveðin.

Sunna tekur í sama streng. „Þetta er bara fáfræði og barna­skapur.. ógeðs­leg hegðun. Og finnst þú eiga senda þeim email með þetta klár­lega.“ Og Sonja er sam­mála. „Þetta lýsir frekar mik­illi heimsku starfs­manna en burt­séð frá því er kannski kom­inn tími til að setja upp svartan lista yfir svona veit­inga­staði, segir Sonja.