Covid-blóti frestað vegna Covid: „Við héldum bara í vonina um að úr rættist.“

Þorra­blót­inu í Brúarási í Jök­ulsár­hlíð í Múla­þingi sem halda átti um helg­ina hefur nú verið frestað um viku. Blótinu sem kall­ast þetta árið Covid-blótið er frestað vegna Covid smits.

„Já, því er nú verr og miður en við þurfum að fresta Covid-blót­inu um eina viku vegna Covid-smits,“ segir Steinunn Snædal, einn skipu­leggj­enda Covid-blóts sem fram átti að fara í Brúarási næsta laug­ar­dags­kvöld, við Aust­ur­frétt.

Aðspurð að þessu getur Steinunn ekki annað en hlegið en sam­kvæmt Aust­ur­frétt er blótið á Brúarási eitt örfárra blóta sem haldin verða í ár, á land­inu. Flestum þeirra var slaufað vegna Covid-ástands­ins í sam­fé­lag­inu. Segir Steinunn að fólk hafi ekki getað ímyndað sér að hætta við enn eitt blótið og því hafi þau beðið færis.

„Við héldum bara í von­ina um að úr rætt­ist og þess vegna blésum við þetta ekki alveg af heldur frest­uðum þessu bara um nokkrar vikur og viti menn, það gekk svo upp þegar tak­mörk­unum var aflétt. Jafnvel þó við þurfum að geyma þetta í viku í við­bót.“

Covid-blótið, fer fram að Brúarási þann 19. mars og eru allir vel­komnir að sögn Stein­unnar. Þorra­hlað­boð og hljóm­sveit verður í boð en engir full­orð­ins­drykkir, slíkt þarf fólk að koma með sjálft.