Ófrísk kona lést ásamt ófæddu barni sínu – Rússar sprengdu upp úkraínskan spítala

Ófrísk kona sem slas­að­ist alvar­lega í árás Rússa á úkra­ínskan spít­ala hefur látið lífið ásamt ófæddu barni sínu. Þetta stað­festir Sky News.

Árásin átti sér stað á mið­viku­dag­inn þegar rúss­neskar her­sveitir sprengdu upp spít­ala í Mariupol í Úkraínu. Konan var flutt á annað sjúkra­hús þar sem strax var ljóst að barnið hennar væri látið. Þegar henni var ljóst að barnið myndi ekki lifa er hún sögð hafa öskrað „Drepið mig núna.“

Skurð­lækn­ir­inn Timur Marin sagði kon­una vera mikið slas­aða, mjaðma­grindin hafi losnað frá lík­am­anum og mjöðm marg­brotnað.

Unga­barnið var tekið með keis­ara­skurði en sýndi engin lífs­mörk. Læknar reyndu að end­ur­lífga kon­una í yfir 30 mín­útur eftir að hún missti lífs­mörk en það bar ekki árangur.

„Þau lét­ust bæði,“ sagði skurð­lækn­ir­inn.

„Nýjustu upp­lýs­ingar sem ég hef fengið frá Alþjóð­ar­heil­brigð­is­stofn­un­inni eru þær að vís­bend­ingar bendi til þess að 31 árás, líkt og þessi, hafi verið gerðar á heil­birgð­is­stofn­anir og sjúkra­hús. Þar á meðal er spít­ali sem sér­hæfir sig í krabba­meins­með­ferðum,“ segir Sajid Javid, heil­brigð­is­ráð­herra Bret­lands í sam­tali við Sky News