Ómar segir miðla og heilara oft verða fyrir fordómum: „Erum jafn misjöfn eins og við erum mörg“

Ómar Pét­urs­son starfar sem heil­ari og mið­ill. Hann segist vera í sam­bandi við leið­bein­endur að handan og hjálpar fólki til að líða betur og aðstoðar fólk sem heyrir, sér eða skynjar eitt­hvað óeðli­legt á heim­ilum sínum. 

Í helg­ar­við­tali Mannlífs við Ómar segir hann frá því sem hann fæst við á ein­lægan og opinn hátt.

Ómar segir að fólk sem vinni sem miðlar eða heil­arar verði sumt fyrir for­dómum. Nei­kvæðni. „Við sem störfum í þessu erum jafn mis­jöfn eins og við erum mörg og það verður alltaf. Það er alveg sama um hvaða atvinnu­grein er að ræða – það eru alltaf ein­hverjir óheið­ar­legir sem skemma fyrir hinum. Það er ekk­ert öðru­vísi í þessum geira. Ég hef svo­lítið talað um það að sál­ar­rann­sókn­ar­fé­lög ættu að búa til námskrá því að það er eitt­hvað um að fólk mæti á eitt heil­un­ar­nám­skeið og er svo sjálft farið að kenna eða farið að vinna sem miðlar eftir stuttan tíma. Ég brýni fyrir fólki að taka hlut­unum rólega. Þetta er lang­hlaup. Það verður að gefa sér tíma í þjálfun­ina.“

Ómar er spurður hvað það hafi gefið honum að aðstoða fólk á þennan hátt. „Mér er gef­inn þessi hæfi­leiki að hjálpa fólki og það gefur mér ótrú­lega mikið. Ég verð ekki ríkur af þessu. Það sem gefur mér ótrú­lega mikið er til dæmis að fara á kaffi­hús í jóla­ösinni og henda orku­bolta á þá sem ég tel þurfa á að halda. Það veit eng­inn hvað ég er að gera en mér er nákvæm­lega sama af því að ég tel mig vera að gefa fólki og senda því orku sem það þarf á að halda.“

Ómar stofn­aði á sínum tíma Facebook-síð­una „Tveggja heima tal“ þar sem fólk veltir fyrir sér and­ans málum. Síðan er opin þannig að það þarf ekki að sækja um að verða þar með­limur. „Fólk er kannski að spyrja spurn­inga og mér finnst vera í lagi að fólk geti haft þarna skoð­ana­skipti hvort sem það er að setja myndir af boll­unum sínum eða spyrja ráð­legg­ingar ef það á kannski erfitt með að sofa.“ Má segja að þetta sé þá hluti af heilun Ómars? „Já, það má segja það. Eins og allt annað á þetta að byggj­ast á kær­leika og að fólk tali saman og veiti hvert öðru ráð.“

Viðtalið við Ómar í heild sinni má lesa hér.