Friðjón Friðjónsson, almannatengill og fyrrverandi aðstoðarmaður Bjarna Benediktssonar, fór flatt í jómfrúarræðu sinni á Alþingi þegar hann uppnefndi þingmenn Samfylkingar, Jóhann Pál Jóhannsson og Kristrúnu Frostadóttur, og kallaði þau krónprinsessu og jóker. Þetta féll í grýtta jörð enda líklega um sögulegan ruddaskap að ræða og þarf að leita aftur til fyrri hluta þingmannstíðar Steingríms J. Sigfússonar, fyrrverandi forseta Alþingis, til að finna svipað háttalag í ræðustól þingins. Birgir Ármannsson, forseti Alþingis og flokksbróðir Friðjóns, gerði sér enda lítið fyrir og áminnti nýliðann sem fram að þessu hefur verið talinn meinleysisgrey. Friðjón sækist eftir 2. sæti á lista Sjálfstæðisflokksins til borgarstjórnar Reykjavíkur. Það mun hugsanlega eiga vel við hann að sitja í borgarstjórn þar sem ruddaskapur er hluti af átakahefð. Einhverjir sjá Friðjón sem arftaka og merkisbera Vigdísar Hauksdóttur og vilja fylkja um hann liði …..
Athugasemdir