Pabbi fær sitt í bankanum

Eng­ey­ing­ur­inn Benedikt Sveins­son, faðir Bjarna Bene­dikts­sonar fjár­mála­ráð­herra, nýtur svo sann­ar­lega góðs af hug­mynda­fræði sonar sins varð­andi söl­una á hlutnum í Íslands­banka sem fram fór að mestu neð­an­jarðar og án þess að almenn­ingur ætti þess kost að taka þátt. Benedikt nýtti rétt sinn til að kaupa í gegnum félag sitt, Haf­silfur, og fékk sitt. Hann hefur þegar grætt vel á kaup­unum. Hann náði að sleppa með hluta­bréf og verð­bréf út úr gamla bank­anum á síð­ustu stundu fyrir hrun og bjarg­aði þannig hálfum millj­arði. Guðbjörg Matth­í­as­dóttir, auð­kona í Vest­manna­eyjum, er einnig óbeint á meðal óbeinna kaup­enda að þessu sinni en inn­sæi hennar varð til þess að henni tókst að bjarga 11 millj­örðum króna áður en bank­inn féll með til­heyr­andi áföllum og harm­leikjum fyrir almenn­ing. Fjöl­margir hafa gan­rýnt leynd­ina yfir söl­unni og þau áhrif sem fjár­mála­ráð­herra með sína for­tíð í við­skiptum og ætt­ar­tengsl hefur til þess stýra því hvert gæðin fara. Sjálfur heldur hann því fram að vandað hafi verið til útboðs­ins og jafn­ræðis gætt …