Segir sjúkdóm barnsins versna eftir heimsóknir til föðurs: „Hann hefur aldrei hugsað um þessi börn“

Helga Sif steig fram í við­tali í hlað­varps­þætt­inum Eigin konur sem birt­ist á vef Stund­ar­innar í dag. Helga segir þar frá meintum brotum föð­urs­ins og segir hún börnin hræð­ast hann. Barns­faðir Helgu birti gerð­ar­dóm í for­sjár­deilu þeirra á Facebook og nafn­greindi hana. Stendur nú til að færa 10 ára gam­alt barn þeirra til föð­urs­ins með lög­reglu­valdi en vert er að taka fram að barnið er lang­veikt. Gabríela Bryndís, einn stofn­andi bar­áttu­hóps­ins Líf án ofbeldis, hefur verið Helgu til halds og trausts í mál­inu.

„Svona menn nátt­úru­lega vilja bara stjórna, þetta snýst bara um það,“ sagði Gabríela, aðspurð hvers vegna fað­ir­inn vilji fá barnið til sín þrátt fyrir að það hafi marg­sinnis lýst því yfir að vilja ekki fara til hans. Þá segir hún kerfið treysta á þekk­ingu mats­manna í málum sem þessum.
„Hann hefur aldrei hugsað um þessi börn,“ sagði Helga, móðir barn­anna, og bætir við að hún hafi alla tíð séð um lækn­is­heim­sóknir, for­eldra­fundi og annað slíkt. Sagði hún sjúk­dóm barns­ins versna við stress og álag, meðal ann­ars eftir heim­sóknir til föð­urs.
Viðtalið má hlusta á í heild sinni hér.