„Þau(lögreglan) komu og tóku miðann úr og sögðu mér hvað stóð á honum. Ég man reyndar ekkert hvað stóð á honum, þetta var samt á íslensku og var einhvers konar ljóð eða bölvun eða eitthvað. Mér fannst þetta bara vera samhengislaust og skildi ekkert hvað þetta þýddi,“ sagði Kristjana Þórarinsdóttir í kvöldfréttum stöðvar tvö í gær.
Miðinn sem Kristjana talar um var í munni á hesti en níðstöng var komið upp við heimili hennar í gær.
Telur hún það ljóst að níðstöngin sé líflátshótun en Kristjana, og fjölskylda, hafa nú flúið heimilið. Þá segist Kristjana halda að nágrannarnir á Skrauthólum hafi átt þátt í þessu en deilur hafa verið þeirra á milli. Mannlíf fjallaði um málið í gær eftir að umræða skapaðist á samfélags- og fréttamiðlum. Umræðan, sem var upphaflega vegna andlegrar samkomu á svæðinu, vatt upp á sig og komu í ljós deilur sem hafa staðið yfir lengi milli nágrannanna.
„Fólk hlýtur að komast að því bara hvaðan þetta hross er, ég get ekki ímyndað mér að það sé auðvelt að finna haus af hesti,“ sagði Kristjana en eiginmaður hennar er formaður Landssambands hestamanna.
„Þetta er ógeðslega óþægilegt og ógeðslegt,“ sagði Kristjana að lokum.
Athugasemdir