Það er komið sumar og sól í heiði skín – vetur burtu farinn og tilveran er fín

Svo gleði­lega vill til að hiti fer yfir 20 stigin á suður­hluta lands­ins í dag og gert er ráð fyr­ir bjart­viðri í dag og á morg­un.

Almennt verður vind­ur hæg­ur; um þrír til átta metr­ar á sek­úndu, en á sumum stöðum má þó bú­ast við þoku­lofti við strönd­ina – bæði í kvöld og í nótt; verður veður sval­ara á þeim slóðum.

Aðfara­nótt þriðju­dags gera spár ráð fyrir því að það þykkn­i upp að sunn­an og vest­an­til á land­inu; má gera ráð fyr­ir dá­lít­illi rign­ingu, enda kóln­ar jafn­framt í veðri.

Hvað Norðaust­ur­land varðar helst þó bjart: Ætti hit­inn að ná 15 stigum yfir há­dag­inn.

Svo þetta klass­íska: Veður­horf­ur næstu daga.

Á mánu­dag verður norð­læg eða breyti­leg átt, 3 til 10 metrar á ​sek­úndu, skýjað með köfl­um vest­ast á land­inu; ann­ars víða létt­skýjað. Sums staðar þoku­loft við strönd­ina og hiti 12 til 20 stig yfir dag­inn.

Aust­læg eða breyti­leg átt, 3 til 10 metrar á sek­úndu, verður á þriðju­dag. Skýjað með köfl­um; stöku skúr­ir; létt­skýjað norð­aust­an­til. Hiti á bil­inu 8 til 17 stig; hlýj­ast á Norðaust­ur­landi.

Svo er það mið­viku­dag­ur­inn og fimmtu­dag­ur­inn. Þá má gera ráð fyrir suð­lægri átt, 3 til 8 metrum á sek­úndu; skýjað og víða skúr­ir: Hiti 6 til 13 stig.

Og á bæði föstu­dag og laug­ar­dag verður suð­vest­læg eða breyti­leg átt; skúr­ir eða rign­ing víða um land, og þá kóln­ar í veðri.