Páll um blaðamenn: „Þeir skálda fréttir og taka bullukolla sem trúverðugar heimildir“

„Þeir skálda fréttir og taka bullu­kolla sem trú­verð­ugar heim­ildir,“ segir Páll Vil­hjálms­son, kenn­ari í Fjöl­braut­ar­skóla Garða­bæjar og blaða­maður, um blaða­menn í nýrri og harð­yrtri blogg­færslu og telur stétt­ina óþarfa. „Upp­lýs­inga­sam­fé­lagið gerir blaða­menn óþarfa. Þeir hafa hvorki þekk­ingu né fag­kunn­áttu fram að færa sem eft­ir­spurn er eftir.“

Þá vill Páll meina að blaða­menn leið­ist á glæpa­brautir og skáldi fréttir. „Til að gera sig gild­andi leið­ast sumir blaða­menn á braut glæpa og sið­leysis.“

Réttast þykir Páli að afnema rík­is­styrki fjöl­miðla og að leggja ætti RÚV niður, sem hann endar á að gefa við­ur­nefnið Glæpa­leiti. „Rík­is­valdið heldur líf­inu í fjöl­miðlum sem ann­ars myndu ekki þríf­ast. Á meðan blaða­menn eru sum­part óþarfir og að ein­hverju leyti lög­brjótar freist­ast rík­is­valdið til að halda uppi fjöl­miðlum með almannafé. Nær væri að hætta öllum styrkjum og leggja niður RÚV. Blaða­mennskan sinnti þá nauð­syn­legum verk­efnum en væri síður til óþurftar. Þaggað yrði niður í Glæpa­leiti í eitt skipti fyrir öll.“

Hér að neðan má lesa færslu Páls í heild:

Blaða­mönnum fækkar jafnt og þétt. Það er ástæða sam­ein­ingar tveggja stétt­ar­fé­laga þeirra, Ff og BÍ. Upp­lýs­inga­sam­fé­lagið gerir blaða­menn óþarfa. Þeir hafa hvorki þekk­ingu né fag­kunn­áttu fram að færa sem eft­ir­spurn er eftir.

Einu sinni svör­uðu blaða­menn spurn­ing­unni ,,er þetta frétt.“ Ef já, þá varð úr frétt í fjöl­miðli. Ef nei, þá engin frétt. Til að eitt­hvað yrði að frétt þurfti heim­ild. Sérgrein blaða­manna var heim­ildarýni.

Núna ræður umræðan á sam­fé­lags­miðlum hvort eitt­hvað sé frétt eða ekki. Vinna blaða­manna fer í að þefa upp færslur á Twitter eða Facebook og gera úr þeim frétt. Heim­ildarýni er lítil sem engin. Í stað blaða­manna gæti sjálf­virkur telj­ari séð um að halda lista yfir flestar deil­ingar og mestan lestur á til­teknum færslum. Fréttin er sjálfs­sprottin, þarf ekki fæð­ing­ar­hjálp blaða­manna.

Til að gera sig gild­andi leið­ast sumir blaða­menn á braut glæpa og sið­leysis. Þeir skálda fréttir og taka bullu­kolla sem trú­verð­ugar heim­ildir. Í refsi­kerf­inu eru fjórir blaða­menn undir rann­sókn fyrir aðild að byrlun og gagna­stuldi. Heilir þrír fjöl­miðlar eru undir í glæpa­rann­sókn­inni: RÚV, Stundin og Kjarninn, RSK-miðlar. Ef þessir fjöl­miðlar væru lána­stofn­anir færu þeir í rusl­flokk – eng­inn vildi ótil­neyddur eiga við þá við­skipti.

Rík­is­valdið heldur líf­inu í fjöl­miðlum sem ann­ars myndu ekki þríf­ast. Á meðan blaða­men eru sum­part óþarfir og að ein­hverju leyti lög­brjótar freist­ast rík­is­valdið til að halda uppi fjöl­miðlum með almannafé. Nær væri að hætta öllum styrkjum og leggja niður RÚV. Blaða­mennskan sinnti þá nauð­syn­legum verk­efnum en væri síður til óþurftar. Þaggað yrði niður í Glæpa­leiti í eitt skipti fyrir öll.