Þrettán manns sóttu um starf sveitarstjóra Dalabyggðar – Líklegast ráðið í starfið í júlí

Alls 13 ein­stak­lingar sóttu um starf sveita­stjóra Dala­byggðar.

Um þessar mundir eru bæj­ar­fé­lög að ráða til sín sveit­ar­stjóra, eftir síð­ustu kosn­ingar, sum hafa nú þegar gert það á meðan önnur eru að fara yfir umsóknir. Þá eru sumir póli­tískt ráðnir á meðan aðrir fara í gegnum umsókn­ar­ferli. Slíkt á við um Dala­byggð.

Samkvæmt frétt Skessu­horns rann umsókn­ar­frestur um starf sveita­stjóra Dala­byggðar út síð­ast­lið­inn mánu­dag. Þau mál sem eru hvað stærst í sveita­fé­lag­inu framundan eru til að mynda bygg­ing íþrótta­mann­virkja og sam­ein­ing sveit­ar­fé­laga.

Alls sóttu 13 manns um starfið en það er Hag­vangur sem ann­ast ráðn­ing­ar­ferlið. Samkvæmt Skessu­horni hafa nöfn ein­stak­ling­anna ekki verið gefin upp enn sem komið er en haft er eftir Eyjólfi Ingva Bjarna­syni odd­vita Dala­byggðar, að hann sé bjart­sýnn að hægt verði að ganga frá ráðn­ingu nýs sveit­ar­stjóra fyrir miðjan júlí. Frá­far­andi sveit­ar­stjóri, Kristján Sturlu­son gaf ekki kost á sér áfram en mun starfa sem sveit­ar­stjóri þar til búið að er að ganga frá ráðn­ingu á eft­ir­manni hans.