Vítalía og Arnar versluðu saman í matinn – Dýrasta ást Íslandssögunnar

Arnar Grant og Vitalía Lazereva hafa sést saman und­an­farið. Heim­ildir Mannlífs herma að þau hafi verið saman í Krónunni á Hval­eyr­ar­holti í Hafn­ar­firði síð­degis á sunnu­dag að versla í mat­inn. Samkvæmt heim­ildum Mannlífs er vin­skapur Arnars og Vítalíu sterkur. Óljóst er þó hvers eðlis sam­band þeirra er en mikið upp­nám hefur fylgt þeim frá því hún upp­lýsti um meint kyn­ferð­is­legt áreiti í sinn garð. Máli þeirra hefur verið lýst sem dýrasta ást­ar­sam­bandi Íslands­sög­unnar.

Í lok júní bár­ust fregnir bár­ust af því að Arnar og Vítalía höfðu verið kærð til hér­aðs­sak­sókn­ara fyrir til­raun til fjár­kúg­unar, hót­anir og brot gegn frið­helgi einka­lífs. Kærendur voru Ari Edwald, Hregg­viður Jóns­son og Þórður Már Jóhannes­son.

Upphafið var í byrjun árs þegar Vítalía greindi frá því í hlað­varps­þætt­inum Eigin konur að hún ætl­aði sér að leita réttar síns, eftir að hafa orðið fyrir meintu kyn­ferð­is­of­beldi af hálfu þre­menn­ing­ana. Í sama þætti greindi hún frá ást­ar­sam­bandi sínu við kvæntan mann, Arnar Grant, sem bauð henni í sum­ar­bú­stað þar sem hún sagði meint brot hafa átt sér stað í heitum potti við sum­ar­bú­stað Þórðar Más þar sem fjór­menn­ing­arnir voru naktir ásamt henni.

Vítalía lýsti því einnig í við­tal­inu hvernig Arnar hefði veitt fjöl­miðla­mann­inum Loga Bergmann kyn­ferð­is­legan aðgang að henni í golf­ferð haustið 2021. Uppnám var vegna upp­ljóstran­anna. Logi missti vinn­una eins og Ari Edwald. Þórður Már sagði af sér sem stjórn­ar­for­maður Festis, sem rekur Krónuna. Arnar skildi við konu sína. Þá var það rakið til máls­ins að Eggert Þór Krist­ó­fers­son, for­stjóri Festis, var rek­inn úr starfi. Hann hafði sýnt mál­stað Vítalíu skiln­ing og átt við­ræður við hana.

Rúmu hálfu ári eftir upp­ljóstr­un­ina, í byrjun júlí, steig Arnar loks fram og sagði Vítalíu ekki hafa farið rétt með frá­sögn af Loga. Aðspurður hvers vegna hann hafi þagað yfir þessu í hálft ár, svar­aði Arnar: „Hvar átti ég að byrja til að vinda ofan af þessu? Skaðinn var skeður og ég vildi bara hlífa fjöl­skyld­unni og öðrum. Ég var hræddur við enn meira skít­kast, ásak­an­irnar voru svo þungar að ég átti ekki von á að mér yrði trúað. And­rúms­loftið í sam­fé­lag­inu var ekki vin­veitt og ég vildi bara ekki fara í ein­hvern leðjuslag.“

Ekki liggur fyrir hvað breytt­ist hjá Vítalíu og Arnari. Hann kvaðst í sam­tali við Mannlíf í júní ekki heyrt í Vítalíu lengi. Hvorki náð­ist í Arnar né Vítalíu.