Ólöf Helga Adolfsdóttir, stjórnarmaður í Eflingu og frambjóðandi til forseta ASÍ, gekk hart að Ragnari Þór Ingólfssyni, formanni VR og frambjóðanda til sama embættis, í Silfrinu um helgina og krafði hann svara vegna hópuppsagnarinnar á starfsfólki Eflingar. Ólöf taldi að Ragnar hefði sýnt lítilmennsku með því að fordæma ekki aðför Sólveigar Önnu Jónsdóttur, formanns Eflingar, að starfsfólkinu og skjóta sér á bak við „skipulagsbreytingar“ eins og þekkist á meðal atvinnurekenda.
Ragnar var prúður undir flengingu Ólafar en forðaðist sem fyrr að fordæma fjöldauppsögn samherja síns og talaði um deilur sem hann vildi ekki verða aðili að. Hann sagði með stolti félag sitt, VR, hafa lagt hinu hrakta fólki til lögfræðiaðstoð til að tryggja hagsmuni þeirra gegn Sólveigu Önnu. Ólöf gaf honum ekkert eftir og lýsti hann vanhæfan til að leiða Alþýðusamband Íslands.
Egill Helgason, stjórnandi þáttarins, virtist skemmta sér vel en kom svo með undarlega athugasemd um að Ólöf hefi verið hlaðmaður fyrir ári síðan.
Líklegt þykir að Ragnar verði, að óbreyttu, kjörinn forseti. Þá er kominn upp sú undarlega staða að einstaklingur sem er í raun hlynntur fjöldauppsögn á borð við brottreksturinn hjá Eflingu leiði stærstu launþegasamtök Íslands. Ekki er ofsagt að samtökin rambi á hengiflugi klofnings …
Athugasemdir