Bakslag hjá syni Sigga storms sem gagnrýnir aðstöðuna: „Ætli Willum Þór myndi sætta sig við þetta?“

Sigurður Þ. Ragn­ars­son – Siggi Stormur – greinir frá því að bakslag hafi orðið hjá syni hans, sem glímt hefur við alvar­leg veik­indi í tæpt ár:

„Þegar menn eru búnir að vera lífs­hættu­lega veikir á spít­ala í 10 mán­uði sam­fellt, verða stundum bakslög þrátt fyrir útskrift. Það gerð­ist því miður hjá syni mínum sem nú er inn­skráður á LSH við Hring­braut.“

Sigurður er langt í frá sáttur við aðstöð­una sem boðið er upp á á LSH og segir:

„En hvað má bjóða mjög veiku fólki? Kannski hvað sem er? Mynd­irnar tvær sem hér fylgja með eru af melt­inga- og nýrna­deild LSH við Hring­braut, þar sem minn maður dvelur.“

Sigurður spyr:

„Ætli Willum Þór Þórsson góður vinur minn og fyrrum starfs­fé­lagi til margra ára myndi sætta sig við þetta? Og þá er ég að meina eftir að hafa verið bund­inn við þessa stofnun í 10 mán­uði, í kringum hvíta sloppa og hvíta veggi í öllu sínu veldi mán­uðum saman. Verði þeim að góðu sem finnst þetta í lagi.“

Hann endar á þessum orðum:

„Mér ofbýður þetta hreint út sagt. Svo undr­ast menn að lyk­il­fólk eins og hjúkr­un­ar­fræð­ingar forði sér.“