Sólveig tekur fyrirtækjaeigendur til bæna – Krefst þess að öll mánaðarlaun hækki um 167.000 krónur

Sólveig Anna Jóns­dóttir, for­maður Eflingar, greinir frá því á Facebook að í morgun hafi hún sent kröfu­gerð til Samtaka atvinnu­lífs­ins fyrir hönd félags­ins. Þar ber helst að nefna kröfu um að öll mán­að­ar­laun hækki um sam­tals 167.000 krónur yfir þriggja ára samn­ings­tíma. Hún segir þann tíma lið­inn að fyr­ir­tækja­eig­endur geti kom­ist upp með að borga fólki annað en mann­sæm­andi laun.

Færsla hennar í heild sinni má lesa hér fyrir neðan en hér má lesa kröfu­bréfið.

Í morgun sendi ég fyrir hönd samn­inga­nefndar Eflingar kröfu­gerð félags­ins til Samtaka atvinnu­lífs­ins. Kröfu­gerð­ina má skoða í fyrstu athuga­semd við þessa færslu.

Algjör ein­hugur var hjá samn­inga­nefnd Eflingar um kröfu­gerð­ina og var hún sam­þykkt ein­róma á fundi okkar í gær, eftir mikla vinnu.

Í körfu­gerð­inni förum við fram á hækkun allra mán­að­ar­launa um sam­tals 167.000 krónur yfir þriggja ára samn­ings­tíma. Við setjum fram kröfu um sér­stakra fram­færslu­upp­bót. Við krefj­umst krónu­tölu­hækk­unnar að fyr­ir­mynd Lífs­kjara­samn­ings­ins.

Afkoma fyr­ir­tækja og hag­vöxtur eru í hæstu hæðum. Með hækk­unum kröfu­gerðar samn­inga­nefndar Eflingar er hlut­deild félags­fólks í hag­vext­inum tryggð. Ef að við fórnum kaup­mætti okkar þá rennur hag­vöxt­ur­inn til eig­enda fyr­ir­tækj­anna, en ekki þeirra sem með vinnu sinni skapa hann. Vinnandi fólk og full­trúar þeirra geta aldrei sam­þykkt slíka nálgun í kjara­samn­ingum. Fyr­ir­tækja­eig­endur njóta arðs af sínum eigun en launa­tekjur eru í hættu. Eflingar-félagar munu ekki að umbera aðför auð­magns­eig­enda að lífs­skil­yrðum sínum og fjöl­skyldna sinna í vetur.

Hluti þeirra hækk­ana sem við förum fram á snýr að því að leið­rétta það frá­leita ástand að laun verka og lág­launa­fólks dugi ekki til fram­færslu sam­kvæmt opin­berum við­miðum. Stað­reyndin er sú að við­var­andi halla­rekstur er á heim­ilum lág­tekju­fólks. Full­vinn­andi fólk sem að jafn­vel bætir við sig auka­vinnu kemur samt út í mínus á hverjum mán­uði. Það er til hábor­innar skammar í einu rík­asta þjóð­fé­lagi í heimi.

Við í samn­inga­nefnd Eflingar höfum lagt mikla vinnu í und­ir­bún­ing kröfu­gerð­ar­innar. Þess ber einnig að geta að yfir 4500 Efl­ing­ar­fé­lagar eiga þátt í mótun hennar með þátt­töku sinni í kjara- og við­horfskönnun félags­ins sem fram­kvæmd var á 10 tungu­málum.

Verkefni okkar í samn­inga­nefnd Eflingar er skýrt. Við ætlum að standa vörð um hags­muni Eflingar-félaga og halda áfram á þeirri braut að ná fram kjara­bótum fyrir félags­fólk. Þau sem skapa verð­mætin og halda uppi grunn­kerf­unum eiga heimt­ingu á hlut­deild í hag­vexti og auð sam­fé­lags­ins.

Greiðsla mann­sæm­andi launa er ekki hættu­leg sam­fé­lagi okkar. Þvert á móti er það ein­fald­lega skylda eig­enda fyr­ir­tækj­anna að greiða vinnu­afl­inu mann­sæm­andi laun fyrir unna vinnu.

Félags­fólk Eflingar vill búa í sam­fé­lagi jöfn­uðar og rétt­lætis. Það vill berj­ast gegn mis­skipt­ingu og stétt­skipt­ingu. Það krefst sann­girni og virð­ingar. Það er til­búið til að standa saman til að knýja á um betri kjör. Og af þessum ástæðum veit ég að Eflingar-fólk mun ná raun­veru­legum árangri í vetur.

Sjáumst í bar­átt­unni