„Margt athyglisvert kemur fram í þessari frétt DV,“ segir Brynjar Níelsson og tjáir sig um frétt DV sem ber yfirskriftina:
Skiptar skoðanir um slaufun Ivu Marín – „Ég myndi persónulega ekki vilja standa að því að útiloka fólk frá þátttöku í samfélaginu til að passa upp á einhverja PR-ímynd“
Brynjar færir í tal að í fréttinni áðurnefndu „bendir Hildur Lilliendahl í orðaskaki við Þóru Kristínu meðal annars á skjáskot af færslu Ivu Marín til stuðnings málstað J.K. Rowling sem eins konar sönnun á meintu transhatri hennar og varpar þeirri spurningu fram hvort það sé í alvöru eitthvað óeðlilegt við að fyrirtæki kjósi að láta ekki bendla sig við óhuggulegar skoðanir á hinsegin fólki.“
Bætir við:
„Nú þarf mikið og frjótt ímyndurarafl til að túlka skrif J.K. Rowling og Idu Marín sem transhatur. Mér sýnist að ofstækisfólkið í samfélaginu líta svo á að allir sem eru ósammála því stundi hatursorðræðu. Þetta er alþekkt í alræðisríkjum.“
Brynjar er á þeirri skoðun að „í frjálsum vestrænum lýðræðisríkjum hefur umburðarlyndi gagnvart skoðunum annarra þótt mikilvægt en nú virðist breyting á.“
Og Brynjar spyr:
„Ég vil því spyrja Hildi hvort skrif á netinu um að rétt sé að drepa nafngreinda manneskju eða nauðga henni með tjaldhælum teljist hatursorðræða og ef svo er hvort þá væri ekki eðlilegt að vinnuveitandi myndi ekki losa sig við starfsmann sem skrifaði svona.“
Athugasemdir